انهاردة هشرح لكم طريقة عمل استيك صدور الدجاج بسهولة بالصور والخطوات وكمان هيكون فيه شرح بالفيديو فى اخر الوصفة كأنك في مطبخي فتابعوا معايا.
المكونات
- نحتاج الي كيلو صدور دجاج مخلية ومغسول كويس طبعا.
مقادير التتبيلة
- عدد 2 حبة بصل كبيرة.
- ليمونة.
- بصل بودر.
- ثوم بودر.
- ملح وفلفل.
- بابريكا.
طريقة عمل استيك صدور الدجاج
نضع مقادير خلطة التتبيلة كلها على بعضها في الخلاط مع 2 كوب ماء ونضربهم كويس ونصفيهم.
نضع الصدور المخلية في التتبيلة وتترك حوالي ساعة وممكن تجهيز مسبق قبلها بيوم.
نحضر صينية او طاسة او جريل تيفال ونضع فيها زيت معلقة كبيرة وممكن معاه سمنة حسب الرغبة.
نبدا نشوح صدور الدجاج علي نار عالية مش كلها مرة واخدة 3 قطع ب 3 قطع كده واللي تتشوح كويس نركنها علي جنب وهكذا.
الي ان تصبح بهذا الشكل.
نصب عليها تتبيلة النقع ونتركها تستوي.
الي ان تصبح بهذا الشكل نحضر قطعة فويل ونضع فيها معلقة صغيرة سمنة.
ونسخن قطعة فحم علي النار وتوضع الفحمة على قطعة من الفويل ثم نضعها مع استيك صدور الدجاج داخل الحلة او الصينية ثم نضع علي الفحمة قليل من الزيت ونغطى الصينية لتأخذ طعم الشواء.
علشان تاخد طعم الشواء وتقدم بالهنا مع شيبسي ومكرونة وسلطة حسب الرغبة وبالهنا.
شرح فيديو استيك صدور الدجاج
وده فيديو شرح طريقة عمل استيك صدور الدجاج اتمنى ان تنال اعجباكم.