انهاردة هشرح لكم طريقة عمل دجاج فيليه بالبشاميل فى الفرن بالصور والخطوات وهي وصفة سهلة وبسيطة جدا في تحضيرها وكمان طعمها رهيب جدا. وهي مناسبة جدا للاشخاص اللي بتحب الفيليه وتقدم مع ارز بسمتي رائع جدا وسلطات. والشرح بالتفصيل في اخر الوصفة بالفيديو كأنك فى مطبخى فتابعى معايا.
المكونات والمقادير
- كيلو دجاج فيليه مقطع شرائح رفيعة.
- 2 بصلة مبشورة.
- 2 جزرة مبشورة.
- ليمونة كبيرة.
- معلقة صغيرة ثوم وبصل بودرة.
- ملح وفلفل.
- بابريكا.
مقادير صوص البشاميل
- 2 كوب حليب حوالي نصف لتر.
- 3 ملاعق كبيرة دقيق.
- 3 ملاعق كبيرة سمن.
- ملح وفلفل.
طريقة عمل دجاج فيليه بالبشاميل فى الفرن
في طاسة علي النار تيفال نضع معلقة زيت كبيرة ثم نشوح الدجاج مع البهارات كلها.
الي ان يتغير لونها بالشكل دة.
ثم تضيف البصل والجزر والليمون ونشوحهم كويس ثم نضيف كوب ماء ونتركها تستوي.
نحضر قارب فرن مقاس (35 × 25) او (25 × 25). ونضع فيه خلطة الفراخ.
نحضر البشاميل. ونضع السمنة في حلة صغيرة علي النار مع الدقيق والملح والفلفل ونشوحهم شوية.
ثم نسكب الحليب مرة واحدة مع التقليب المستمر.
الي ان نحصل علي صوص بشاميل ناعم وجميل بالشكل دة.
ونضع البشاميل علي وجة القارب بحيث نغطي كل الفراخ ونساوي السطح.
ونضع معلقة سمنة علي الوش وندخلها الفرن من تحت عشر دقايق ثم نحمر الوش تحت الشواية.
ودة شكلها بعد ما استوت.
وتقطع الي مربعات وتقدم بالهنا.
شرح فيديو
وده فيديو شرح طريقة عمل دجاج فيليه بالبشاميل وضحت فيه كل التفاصيل جربوها وهتحوز على اعجباكم.