انهاردة هشرح ليكم طريقة عمل كفتة الفراخ او الدجاج من الاصناف السهلة البسيطة في الاكل وفي التحضير عامة هشرحها لكم بطريقة عمل سهلة وبطعم مشوي وتتبيلة خطيرة جدا بالصور والخطوات كاملة وكمان شرح بالفيديو فى اخر الوصفة فتابعوا معايا ونشوف مع بعض.
المكونات والمقادير
- كيلو من صدور الدجاج الفيليه او دجاجة كاملة مخلية جلد وعظم.
- معلقة كبيرة زبدة لينة.
- واحد حبة من البصل.
- حبة واحدة طماطم.
- حبة واحدة من الفلفل.
- عودين بقدونس.
- حبة واحدة من الجزر.
- نصف ملعقة صغيرة بابريكا.
- نصف ملعقة صغيرة ملح.
- 2 فص ثوم.
- نصف ملعقة صغيرة ثوم بودر.
- نصف ملعقة صغيرة بصل بودر.
- ليمونة كبيرة.
- نصف ملعقة صغيرة فلفل اسمر.
طريقة عمل كفتة الفراخ
في الخلاط نضع البصل والطماطم والفلفل والبقدونس والجزر والثوم مع كوب ونصف ماء ونضربهم كويس جدا ثم نصفيهم
ونترك ماء الخليط المتصفي علي جنب والخلاصة التفل علي جنب.
نحضر الدجاج ونفرمه في محضرة الطعام ثم نضيف إليه البهارات والزبد وعصير الليمون وناتج تصفية التتبيلة ونخلط باليد كويس.
هنا ده ناتج تصفية التتبيلة اللي هو التفل.
ثم نصبع كفتة الفراخ.
الحجم حسب الرغبة وترص في جريل او صينية تيفال علي النار ونضع ملعقة زيت في الجريل.
ونضعها علي النار لغيت ما تجيب المياه الخاصة بها وترجع تشربها تاني.
نضيف اليها بقي سائل مياه التتبيلة يعني عصير التتبيلة.
ونتركها تستوي كويس الي ان نحصل علي صوص كده ولونها يصبح ذهبي.
ونعمل لها فحمة علي النار ونطفيها بسمنة ونغطي عليها حتي تاخد طعم الشواء.
وتقدم بالهنا لذيذة جدا.
شرح فيديو كفتة الفراخ
وده فيديو شرح طريقة عمل كفتة الفراخ وضحت فيه كل التفاصيل جربوها وهتحوز على اعجباكم.