انهاردة هشرح لكم طريقة عمل كشك الدجاج بالصور والخطوات علي طريقتي الخاصة بافضل طعم وكمان هشرحها لكم فى اخر الوصفة بالفيديو كأنك فى مطبخي فتابعوا معايا.
الكشك من الاطباق السهلة جدا في التحضير وممكن يتعمل بالدجاج وكمان ممكن من غير فراخ لكن انهارده هنعمله بالدجاج.
المكونات والمقادير
- كوب كبير أرز مصري مغسول.
- 3 كوب حليب.
- 2 ملعقة كبيرة دقيق.
- بصلة صغيرة مقطعة مكعبات للدجاج.
- نصف كيلو مكعبات دجاج مخلي.
- 3 بصلات اخري مقطعة للتحمير للوجه.
- سمنة لتحمير البصل حسب الكمية.
- مكعب مرقة.
- ملح وفلفل.
- بقدونس للتزين حسب الرغبة.
طريقة عمل كشك الدجاج
نضع الأرز المغسول في ماء مغلي ونتركه يتسلق.
بالشكل ده.
في اثناء سلق الأرز نقوم بتجهيز الدجاج.
في حلة علي النار نضع مكعبات الدجاج مع البصلة المفرومة والملح والفلفل ونشوحها جيدا ثم نضيف ماء ونتركها تستوي.
ملحوظة ممكن فراخ مسلوقة عادي جدا ومقطعة حسب الرغبة.
نتركها تستوي كويس جدا.
ثم نبدأ بتحمير البصل للوجه.
في طاسة علي النار نضع ملعقتين كبار سمنة ونضع البصل المقطع ونستمر في التقليب.
الي ان يبدأ يأخذ اللون الذهبي الفاتح.
نصفي السمنة منه ونضعها علي الأرز ويصبح شكله بهذا الشكل بدون سمنة ونتركه جانبا.
نكمل الأرز نضيف كمية الحليب للأرز ونتركه يغلي معاه ونضيف الملح والفلفل ومكعب المرقة.
ثم نضيف الدجاج المستوي ونتركه شوية كمان.
ثم ندوب ملعقتين الدقيق في ربع كوب حليب بارد او ماء بارد حسب الرغبة ونضيفها للخليط مع التقليب المستمر.
نبدأ بغرفه في الاطباق.
ونزين الوجه بالبصل المقلي والبقدونس ويقدم ساخن.
بهذا الشكل وبالهنا والشفا.
شرح فيديو كشك الدجاج
وده فيديو شرح طريقة عمل كشك بالدجاج وضحت فيه كل التفاصيل جربوها وهتحوز على اعجباكم.