انهاردة هشرح لكم طريقة عمل نجرسكو الدجاج بالصور والخطوات وكمان الشرح بالتفصيل فى الفيديو اخر الوصفة كأنك في مطبخي، فتابعوا معايا.
المكونات والمقادير
هنا المقادير مفتوحة حسب القارب أو الصينية اللي هنعمل فيها:
- كيس ونصف مكرونة فيوتشيني او اسباجتي.
- صدور فراخ مقطعة رفيع زي الشاورما.
- مشروم طازج او معلب حسب الرغبة.
- زيتون اخضر او اسمر او مكس بينهم.
- فلفل اخضر مقطع وممكن ألوان.
- بصل مقطع جوانج.
- جبن موزاريلا او ميكس.
- ثوم بودر.
- بصل بودر.
- بابريكا.
- ملح وفلفل.
- فصين ثوم مفرومين.
مكونات البشاميل
- 4 ملاعق كبيرة سمنة.
- 3 ملاعق كبيرة دقيق.
- لتر حليب.
- نصف كوب كريمة طبخ.
طريقة عمل نجرسكو الدجاج
الأول هنحضر الفراخ.
نشوح الفراخ في معلقة كبيرة زيت ونضيف إليها البهارات.
الي ان تصبح بهذا الشكل.
نشيل الفراخ وفي نفس الطاسة نشوح البصل والثوم
ثم نضيف الفلفل والمشروم ونشوح المشروم مش بيتغسل بيتمسح فقط بمنديل.
ثم نرجع نضيف اليها الفراخ تاني مع الزيتون ويقلب.
نتركها علي جنب ونحضر البشاميل.
نضع في حلة علي النار 4 ملاعق كبيرة سمنة مع 3 ملاعق كبيرة دقيق ونشوحه شوية.
بالشكل دة.
ثم ننزل بلتر حليب مع نصف كوب كريمة طبخ حسب الرغبة وملح وفلفل مع التقليب المستمر.
الي ان يصبح بهذا الشكل وطبعا نسلق المكرونة عادي جدا.
التطبيق بقي.
نحضر القارب ونضع فيه بشاميل بسيط.
ثم نضع طبقة من المكرونة الفيتوتشيني ونضع بشاميل كويس فوقها.
ثم نضيف الدجاج اللي عملاناه كله.
ورشة جبن موزاريلا ثم طبقة رفيعة من المكرونة.
واخر طبقة علي الوجه كله بشاميل تغطيها ونرش جبن موزاريلا كتير وندخلها فرن حامي.
وتقدم بالهنا لذيذة جدا.
شرح فيديو نجرسكو الدجاج
وده فيديو شرح طريقة عمل نجرسكو الدجاج بالتفصيل اتمنى ان ينال اعجابكم.