انهاردة هشرح لكم طريقة عمل ترياكي الدجاج الصيني بالصور والخطوات وهو من الاكلات الصينية اللذيذة جدا والسهلة في التحضير اساسها قطع من الدجاج والصويا صوص والعسل وهشرحلكم كمان الوصفة بالفيديو كأنك فى مطبخي فى اخر الوصفة فتابعوا معايا ونشوف المقادير مع بعض.
المكونات والمقادير
- كيلو من الدجاج المخلي مكعبات.
- 4 فصوص ثوم مفرومين.
- 2 معلقة كبيرة صويا صوص.
- 1 معلقة كبيرة عسل نحل.
- 2 معلقة كبيرة زيت.
- معلقة صغيرة من كل مما يلي (فلفل اسمر ثوم بودر وبصل بودر وبابريكا).
- ملح حسب الحاجة.
- معلقة كبيرة نشا.
- خضراوات مشكلة 2 قطعة من كل مما يلي (كوسة وبصل وجزر وفلفل الوان).
طريقة عمل ترياكي الدجاج الصيني
في جريل او حلة او طاسة تيفال نضع الزيت ثم نشوح الدجاج مع الثوم والبهارات.
الي ان يتغير لونها ثم نضيف العسل والصويا صوص ونشوح.
ثم نضيف كوب ماء ونترك الدجاج يستوي وقبل ما كمية الماء تصفي وتنشف.
نضيف الخضراوات.
ونغطي ونتركها خمس دقائق تستوي لكن مش سواء كامل بالنسبة للخضراوات.
ثم نذوب النشا في نصف كوب ماء ونضيفها للترياكي.
ونقلبها هيتقل الصوص بالشكل ده وتقدم بالهنا.
وتقدم مع أرز ابيض ونرش سمسم في التقديم.
شرح فيديو ترياكي الدجاج الصيني
وده فيديو شرح طريقة عمل ترياكي الدجاج الصيني وضحت فيه كل التفاصيل جربوها وهتحوز على اعجباكم.