انهاردة هشرح لكم طريقة عمل دبابيس الدجاج المشوية او أفخاذ الفراخ في كيس الفرن او الكيس الحرارى بأسهل ما يكون بالصور والخطوات وكمان شرح بالفيديو فى اخر الوصفة كأنك فى مطبخي فتابعوا معايا.
مقادير دبابيس الدجاج المشوية
- حوالي كيلو ونصف من دبابيس الدجاج.
خلطة نقع الدجاج للتخلص من الزفارة
- ماء.
- معلقة خل.
- ورق لورة.
- ليمون مقطع.
- حبهان.
- قرنفل.
خلطة التتبيلة
- 2 حبة بصل مقطعين.
- 2 ليمونة مقطعة.
- كوب من الماء.
- معلقتين زيت.
- معلقة كبيرة صلصة طماطم.
- مكعب مرقة.
- جنزبيل فريش.
- ثوم مفروم.
- بابريكا.
- ثوم بودر.
- بصل بودر.
- كزبرة.
- ملح وفلفل.
- كاري.
معلقة صغيرة من كل مما يلي:
طريقة عمل دبابيس الدجاج المشوية
نضع مقادير النقع كلها مع بعض ونضع الدجاج فيها حوالي ساعة للتخلص من اي ريحة زفارة ولضمان الريحة الحلوة للدجاج.
نضرب مقادير التتبيلة مع بعض في الخلاط البصل والليمون والماء ونصفيها تصبح عصير بصل بالليمون بالشكل دة.
نضع التوابل كلها والزيت والصلصة علي عصير البصل ونقلب لنحصل على هذا الشكل.
نضع فيها الدجاج ليلة كاملة بعد ما نعمل فتحات فيه.
نحضر اكياس الفرن الحرارية.
ونضع الدجاج فيها انا استعملت 2 كيس قسمت المقدار علي 2 ثم نضع التتبيلة عليه.
ونغلق الكيس ونعمل فتحات بالمقص لخروج البخار ونضع الاكياس علي صينية فرن وندخلها فرن حار بتاخد حوالي ساعة.
ونفتح الكيس نحمر الوجه بالشكل ده اللى في الفيديو. وتقدم بالهنا مع مكرونة.
شرح فيديو دبابيس الدجاج المشوية
وده فيديو شرح طريقة عمل دبابيس الدجاج المشوية وضحت فيه كل التفاصيل جربوها وهتحوز على اعجباكم.