اليوم هعمل لكم طريقة شيش الجمبري المشوي علي الجريل بتتبيلة لذيذة جدا وطعم مشوي والشرح بالصور والخطوات وكمان شرح سهل وبسيط بالفيديو كأنك فى مطبخى وكنت عاملاها مع شوربة الجمبرى فتابعوا معايا ونشوف المقادير مع بعض.
مكونات شيش الجمبري المشوي
- كيلو جمبري حجم كبير طازج.
مقادير التتبيلة
- ليمونة مقطعة.
- بصلة كبيرة مقطعة.
- 1 حبة طماطم كبيرة مقطعة.
- 1 حبة فلفل اخضر واحدة.
- 5 فصوص ثوم.
- معلقة صغيرة بابريكا.
- معلقة صغيرة ملح
- ملعقة صغيرة كمون.
- معلقة صغيرة كزبرة.
- معلقة صغيرة شطة.
- ملعقة كبيرة فلفل احمر مفروم هريسة.
طريقة تنظيف الجمبري
هنا ده شكل الجمبري نفتحه من الظهر ونغسله كويس ونقص الشوارب.
بالشكل ده.
طريقة عمل شيش الجمبري المشوي
نعمل التتبيلة ونضرب مكونات التتبيلة كلها في الخلاط مع 2 كوب ماء ونصفي الخلطة.
ونترك نصف كوب منها علي جنب وباقي الكمية ننقع فيها الجمبري بعد ما نشك كل واحدة في عود خشبي.
ننقع الجمبري ساعة.
ونسخن جريل وندهنها زيت ونرص عليها اعواد شيش الجمبري ونسقيها من التتبيلة.
يادوب تاخد لون ذهبي نشيلهم مباشرة ونضعهم في فويل.
ونسقيهم بنصف كوب التتبيلة اللي شيلناه من الاول مباشرة وهو سخن ونعمل له فحمة.
ويقدم بالهنا مع ارز ابيض ونرش عليها بقدونس مفروم وبالف هنا.
شرح فيديو شيش الجمبري المشوي
وده فيديو شرح طريقة عمل الجمبري مشوي وتنظيف الجمبري وضحت فيه كل التفاصيل جربوها وهتحوز على اعجباكم.