انهاردة هشرح ليكم الفرق بين أنواع الكريمة المستخدمة فى طبخ المأكولات والحلويات بالتفصيل فتابعوا معايا.
وذلك بناء على اسئلة المتابعين المتكررة عن أنواع الكريمة اللبانى وايه الفرق بين الانواع.
انواع الكريمة اللباني
- كريمة طهي للمأكولات.
- كريمة خفق للحلويات.
ما هو الفرق بين أنواع الكريمة المستخدمة فى الطهي؟
انا هنا هوضح لحضراتكم الفرق.
- زى ما احنا شايفين فى الصورة دة نوع الكريمة اللبانى المتوفرة فى الغالب فى مصر.
- وهى بتكون فى عبوات كرتون زى الحليب دى ماركة جهينة.
- وهى متوفرة بثلاث احجام ربع كيلو ووزن النصف كيلو ووزن الكيلو.
- واوقات بيكون موجود كمان كريمة ماركة بيتى بس انا هنا هشرح الكريمة الخاصة بشركة جهينة.
- طبعا الكريمة اللبانى فيه منها نوعين نوع خاص بالطبخ ونوع خاص بالحلويات.
كريمة الطهى للمأكولات
- هنا النوع الخاص بالطبخ على يمين الصورة.
- وبيكون مكتوب عليها في جهة بالعربى وجهة بالانجلش.
- والنوع ده بيطلق عليه كريمة طهى او كوكينج كريم والاسمين بيندرجوا تحت مسمى كريمة لبانى.
- النوع دة خاص بالطبخ ولا يمكن استعمالة فى الحلويات.
كريمة الخفق للحلويات
- اما النوع الاخر الخاص بالحلويات فهو يسمى كريمة خفق او ويبنج كريم.
- وكذلك الاسمين بيدخلوا تحت اسم كريمة لبانى والنوع دة ممكن يستخدم فى الحالة السائلة.
- كما هو لعمل صوصات مختلفة مثل صوص التوفى او الكراميل الخاص بالسينامون او صوص الجناش.
- وممكن يخفق مع اى منكهات ويصبح بديل للكريم شانتى.
- وايضا فى حال عدم توفر كريمة الطبخ ممكن نستعمل كريمة الحلويات فى الطبخ ولكن لا يمكن العكس.
يارب اكون قدرت اوضح الفرق والمسميات المختلفة لحضراتكم وان شاء الله تستفيدوا ولا تنسونى بصالح دعائكم.