انهاردة هشرح لكم طريقة عمل مشاوى كفتة وكباب وريش على الفحم بالصور والخطوات والشرح بالفيديو فى اخر الوصفة فتابعوا معايا.
فى البداية لازم تعرفوا ان الوصفة الأصلية الصح للكباب بتتعمل باللحم الضاني وانا هنا هعملها بلحم ضاني صافي.
المكونات والمقادير
- هنحتاج لحم مفروم ضاني وطبعا فية نسبة دهون طبيعي.
- ريش لحم وتكون مدقوقة كويس.
مكونات تتبيلة الكباب
- 2 بصلة مقطعة.
- نضع في الخلاط كوب ماء.
- ليمون عصير.
- حبة واحدة فلفل اخضر.
- 5 عيدان بقدونس.
- حبة واحدة طماطم.
طريقة عمل مشاوى كفتة وكباب وريش
لتحضير التتبيلة هنضرب مكونات التتبيلة كلها في الخلاط.
نصفي خلطة التتبيلة ونضع الخليط المصفي ماء البصل علي اللحم ونضع خلاصة البصل اللي في المصفي علي الكفتة.
وهنا اللحم وطبعا هنضيف ملح وفلفل فقط لا غير.
ونتركها في التتبيلة ممكن من بلليل للصبح.
ونصبع الكفتة انا بحب اعملها بيضاوية وممكن علي سيخ حسب الرغبة.
نجهز الفحم انا بحط منه كام قطعة علي البوتجاز لحد ما لونهم يبقي احمر.
بعد كده بشيلهم واحطهم مع باقي الفحم في الشواية واشغل مروحة صغيرة جنبهم دي اسهل طريقة.
وببدأ بقطع اللحم لانها بتاخد وقت اطول من الكفتة ارصها علي سلك الشبك الخاص بالشوي.
طبعا بتدخن جامد جدا نشوي في مكان مفتوح مثلا فى البالكونة او روف او سطح.
ونقلبها من كل الجهات الي ان تستوي وتاخد اللون الجميل ده.
ثم اشوي الكفتة وبكون حاطة جنبي حلة بغطاء علشان اللي تستوي احطها فيها لكي تحتفظ بالسخونية.
وهنا دي الكفتة.
وتقدم بالهنا مع سلطات طحينة وثومية وسلطة خضراء وبقدونس وبصل.
شرح فيديو مشاوي الكباب والكفتة
وده فيديو شرح فكرة عمل المشاوي كفتة وكباب وريش بالتفصيل اتمنى ان ينال اعجابكم.