انهاردة هشرح لكم طريقة عمل لازانيا باللحمة المفرومة والجبنة بالصور والخطوات والفيديو فتابعوا معايا لآخر الوصفة.
المكونات والمقادير
- نحتاج الي باكيت لازانيا.
- جبن موزاريلا.
- بشاميل.
- نصف كيلو لحم مفروم معصج بالطماطم وعملاناه قبل كدة.
طريقة عمل لازانيا اللحمة المفرومة والجبنة
لعمل البشاميل الخفيف عبارة عن (3 معالق سمنة كبيرة و3 معالق دقيق وفصين ثوم مفرومين نشوحهم مع بعض شوية ثم نضيف اليهم لتر حليب وكوب كريمة سايلة وممكن الاستغناء عن الكريمة حسب الرغبة مع التقليب المستمر الي ان نحصل علي صوص بشاميل).
اللازانيا بتكون مكتوب عليها تسلق او لا حسب نوعها.
هنا النوع اللي استخدمة بدون سلق يعني نستعملها مباشرة.
لا البشاميل واللحمة يكونوا فيهم صوص كتير لان الصوص دة هو اللي هتستوي فية اللازانيا.
نحضر قارب الفرن المستطيل ونبدا بعمل طبقات من بشاميل ثم لازانيا ثم اللحم المفروم بشاميل ثاني موزاريلا وهكذا.
الي ان ننتهي من الطبقات انا عملت 3 طبقات لحم و4 طبقات لازانيا واخر طبقة بتكون لازانيا.
نضع فوقها طبقة بشاميل وجبنة كتير وبس.
وندخلها فرن حار الي ان تستوي ويحمر الوجه وتقدم لذيذة جدا ورائعة.
لو بنحبها جوسي وطرية وسايحة تقطع وهي ساخنة جدا.
ولو عاوزينها قطع متماسكة تترك حتي تبرد وتقطع وتقدم بالهنا.
شرح فيديو اللازانيا
وده فيديو شرح طريقة عمل اللازانيا باللحمة المفرومة والجبنة اللذيذة اتمنى ان ينال اعجابكم.