انهاردة هقدم لكم نوع من انواع البقوليات المطبوخة وهي طريقة عمل اللوبيا الناشفة مطبوخة باللحمة بالصور والخطوات وكمان هيكون فيه شرح بالفيديو كأنك في مطبخي في اخر الوصفة فتابعوا معايا.
المكونات والمقادير
- نصف كيلو لوبيا ناشفة.
- 2 كوب عصير طماطم.
- 2 ملعقة صلصة (معجون) طماطم.
- لحمة مسلوقة كمية حسب الرغبة.
- مقدار من شوربة اللحم حوالي 2 كوب.
- ملح وفلفل.
- بصلة مبشورة ناعم.
طريقة عمل اللوبيا الناشفة
طبعا اللوبيا من الحبوب الجافة اول خطوة هنعملها اننا ننقع اللوبيا في ماء كمية وفيرة وتترك اقل وقت 3 ساعات فيما فوق.
وهنا شكلها قبل النقع وبعده.
وهنا حبيت تشوفوا فرق الحجم بعد النقع.
نحتاج الي عصير الطماطم واللحم المسلوق واللوبيا وبصلة مبشورة.
في حلة علي النار نضع ملعقة كبيرة سمنة ونشوح فيها البصلة المبشورة الي ان تأخذ لون ذهبي خفيف.
ننزل بعصير الطماطم مع الصلصة ونقلبهم شوية.
نتركها تتسبك شوية علي النار وقبل اكتمال التسبيك ننزل باللحم المسلوق مع رشة فلفل اسمر.
ونتركها تتسبك تماما يعني تصفي خالص والسمنة تظهر علي الوجه.
ثم نضيف اللوبيا والشوربة ونتركها في الصلصة حوالي نصف ساعة حتي تتداخل كل المكونات مع بعض وتتسبك وتتقل.
بالشكل ده.
وتقدم مع أرز ابيض بالهنا.
شرح فيديو اللوبيا الناشفة
وده فيديو شرح طريقة عمل اللوبيا الناشفة مطبوخة باللحمة وضحت فيه كل التفاصيل جربوها وهتحوز على اعجباكم.