وصفة اليوم من اسهل الوصفات ومحببة جدا عند الجميع وهي طريقة عمل طاجن اكواب البطاطس الصغيرة المحشية باللحمة المفرومة بالصور والخطوات وكمان شرح في اخر الوصفة بالفيديو كأنك في مطبخي فتابعوا معايا.
بداية الطبق ده ليه مسميات كتير فيه ناس بيقولوا عليها محشي بطاطس، وفيه ناس بيسموها بطاطس متأورة ومحشية… إلخ، وكلها نفس فكرة العمل وطبعاً المسميات دى بالنسبة لمصر أما الدول العربية ليها مسميات أخرى وهو طبق سهل وبسيط في تحضيره نشوف المقادير مع بعض.
المكونات والمقادير
- كيلو بطاطس صغيرة الحجم ويفضل حجم واحد الي حد ما.
- نصف كيلو لحم مفروم.
- بصلة مفرومة.
- كوب بقدونس مفروم.
- ملح وفلفل وممكن اضافة بهارات حسب الرغبة.
- كوب كبير عصير طماطم.
طريقة عمل طاجن اكواب البطاطس باللحمة المفرومة
اولا في حلة علي النار نضع معلقة صغيرة سمن ونشوح اللحم المفروم مع ملح وفلفل اسمر ونضيف البصل ونشوح ثم نزودها نصف كوب ماء وتترك تستوي بالشكل ده.
نقشر البطاطس ونفرغ الوسط (تقوير) ونعمل لها من تحت قاعدة تقف عليها.
نضيف البقدونس علي اللحم ونتركها جانبا.
ثم نقوم بتشويح البطاطس مع فلفل اسمر وملح بمعلقة زيت.
نحضر طاجن فرن ونرص فيه شرائح طماطم ونرص البطاطس جنب بعضها ثم تحشي بخليط اللحم المعصج.
نملئ كل حبات البطاطس باللحم المفروم بهذا الشكل.
تسقي بعصير الطماطم.
ونضع رشة زيت او سمن وندخلها الفرن تستوي.
وتقدم بالهنا وده شكلها من الجنب.
شرح فيديو اكواب البطاطس المحشية
وده فيديو شرح طريقة عمل طاجن اكواب البطاطس المحشية باللحمة المفرومة وضحت فيه كل التفاصيل جربوها وهتحوز على اعجباكم.