انهاردة هشرح لكم طريقة عمل صينية رقاق مصرى باللحمة المفرومة بتكة مميزة بالصور والخطوات والشرح بالفيديو فى اخر الوصفة فتابعوا معايا.
طبعا الرقاق ده من الاكلات الدسمة مشهور عندنا فى مصر والوصفة دى مختلفة عن الطريقة العادية.
اللى يحب يجرب خصوصا فى الاعياد والمناسبات ودى طريقتى الخاصة بتكة جميلة هتخليه لونه ذهبي محمر وطعم لذيذ جدا ان شاء الله هتعجبكم.
المكونات والمقادير
- هنحتاج علبة رقاق جاهز عندنا فى مصر الانواع كتير اى نوع تحبيه.
- نصف كيلو لحم مفروم معصج بالطماطم.
- ربع كوب سمن.
- كوب حليب.
- شوربة لحم متبلة بملح وفلفل ومكعب مرقة.
طريقة عمل صينية رقاق مصرى
شرحت قبل كده طريقة عمل اللحمة المفرومة المعصجة بالطماطم اضغطى هنا وشوفى الطريقة.
نعصج اللحم المفروم وهنضيف له السمنة وبعدين نصفيه كويس وناخذ السمنة بالصوص دي هتكون لونها احمر هندهن بيها طبقات الرقاق.
ندهن الصينية مستطيلة او مربعة بالسمنة الحمراء.
ونخلط الحليب علي الشوربة ونغليهم ونحطها في صينية كبيرة تكفي حجم الرقاق.
نبدأ ناخد قطعة من الرقاق ونضعها في الشوربة تطري نشيلها مباشرة ونرصها في الصينية وندهن سمنة.
وهكذا الي ان نصل الي نصف كمية اوراق الرقاق.
ثم نضيف اللحم.
ثم نكمل بنفس الطريقة باقي اوراق الرقاق.
وندهن الوش طبعا بباقي السمن وندخلها الفرن.
ثم تقطع وتقدم لو حابين الوش طري نغطيها اول ما تطلع من الفرن وبالهنا والشفا.
شرح فيديو صينية الرقاق المصري
وده فيديو شرح طريقة عمل صينية رقاق مصرى باللحمة المفرومة وضحت فيه كل التفاصيل جربوها وهتحوز على اعجباكم.