انهاردة هشرح لكم طريقة عمل طاجن الأرز بالبشاميل واللحم والخضار بالصور والخطوات وكمان شرح بالفيديو فى اخر الوصفة كأنك فى مطبخي فتابعوا معايا.
وصفة اليوم مختلفة شوية لكن طعمها مميز جدا جدا وان شاء الله تجربوها وتعجبكم.
المكونات والمقادير
- كوب ونصف ارز بسمتي.
- نصف كيلو لحم مفروم او ربع حسب الرغبة.
- كوب بسلة بالجزر.
- بصلة مبشورة ناعم.
- حبة لومي (ليمون مجفف) ان وجد وممكن الاستغناء عنها.
- عود قرفة وعودين قرنفل.
- ملح وفلفل وملعقة صغيرة قرفة مطحونة.
- ربع كوب جبن موزاريلا حسب الرغبة.
مقادير البشاميل
- 3 ملاعق كبيرة دقيق.
- 3 ملاعق كبيرة سمنة.
- 2 كوب حليب.
- ملح وفلفل.
طريقة عمل طاجن الأرز بالبشاميل واللحم والخضار
اولا نسلق الأرز البسمتي في حلة علي النار نضع كمية وفيرة من الماء ونتركة يغلي ثم نضيف عود القرفة والقرنفل واللومي ومكعب مرقة وملح.
ونضع الأرز ونتركه يتسلق ويصفي ويترك جانبا.
نحضر الحشو.
نضع اللحم المفروم في طاسة علي النار مع ملعقة سمن ونشوح ثم نضيف البصل والبسلة والجزر ونشوح ثم نضيف القرفة المطحونة وملح وفلفل.
ونزودها نصف كوب ماء ونتركها تستوي كويس.
نحضر البشاميل.
في حلة علي النار نضع السمن مع الدقيق ونقلب جيدا.
ثم نضيف الحليب دفعة واحدة وملح وفلفل ونستمر بالتقليب.
الي ان نحصل علي بشاميل سمكه متوسط.
نبدا في تطبيق الوصفة.
نحضر الطاجن ونضع طبقة رقيقة من البشاميل.
ثم نضف كمية الأرز.
ونرش ملعقة بشاميل.
ثم نضيف خلطة الحشو كلها ونضغط عليها كويس.
وبعد كده نضيف باقي كمية الأرز.
ثم البشاميل كله ونساوي الوجه ونرش الجبن.
يوضع في الفرن الي ان ياخد اللون الذهبي.
شايفين الطبقات بجد طعمه وهم جدا.
يقطع ويقدم وبالف هنا.
شرح فيديو طاجن الارز بالبشاميل
وده فيديو شرح طريقة عمل طاجن الأرز بالبشاميل واللحم والخضار وضحت فيه كل التفاصيل جربوها وهتحوز على اعجباكم.