انهاردة هشرح لكم طريقة عمل صينية السردين فى الفرن بالزيت والليمون والشرح كامل بالصور والخطوات والشرح بالفيديو فى اخر الوصفة كأنك فى مطبخي فتابعوا معايا صينية السردين السنجارى بزيت وليمون.
وهى أكلة سهلة جدا في التحضير وطعمها مميز جدا استخدمت فيها السردين البلدي مع تشكيلة من الخضراوات والزيت والليمون وتعملي احلي صينية سردين سنجاري بزيت وليمون.
المكونات والمقادير
- كيلو من السردين البلدي متنظف ومقطوع الرأس.
- 6 حبات طماطم مقطعين شرائح.
- 6 حبات بصل مقطع شرائح.
- عصير 4 ليمونات.
- 4 حبات فلفل شرائح.
- كمون وملح وشطة حسب الكمية.
- 4 فصوص ثوم مفروم او مقطعين صغير.
- ربع كوب زيت.
الكمية تكفي 5 افراد ويقدم مع خبز أو ارز ابيض ووقت التحضير ساعة من الاول للاخر.
طريقة عمل صينية السردين
ننظف السردين ونفتحه ونقطع الرأس ويغسل جيدا ويتبل بملح وكمون وثوم وشطة.
نحضر صينية فرن او قارب بايركس حسب الرغبة.
نبدأ برص طبقة من البصل.
ثم طبقة من الطماطم ثم طبقة من الفلفل ويتبل بملح وكمون ونعصر ليمون.
ثم نبدأ برص السردين الجزء اللي فوق ملاصق لجدار الصينية والذيل في المنتصف.
الي ان ننتهي من الكمية.
نبدأ نعيد رص نفس الطبقات بصل وطماطم وفلفل.
ونضيف ثوم وليمون وملح وكمون.
ونرش الزيت حوالي ربع كوب ونضعها علي عين البوتجاز من فوق ونغطيها ونتركها الي ان تخرج المياه الخاصة بها وتنشف.
ثم توضع في الفرن تحت الشواية الي ان يتحمر الوجه وتقدم بالهنا بجانب ارز مصري ابيض او تؤكل بالخبز.
شرح فيديو صينية السردين في الفرن
وده فيديو شرح طريقة عمل صينية السردين فى الفرن وضحت فيه كل التفاصيل جربوها وهتحوز على اعجباكم.