انهاردة هشرح لكم طريقة عمل ارز صيادية مع سمك مقلي بالصور والخطوات ولو عايزين تشوفوا الفيديو هتلاقوه فى اخر الوصفة.
مقادير أرز الصيادية
- كوباية وربع أرز مصري مغسول فقط وغير منقوع.
- 2 بصلة كبيرة مقطعة صغير او مبشورة خشن في الكبة.
- فصين ثوم مفرومين.
- عيار الماء لتسوية الأرز كوب ونصف ماء.
- 4 ملاعق كبيرة زيت دوار شمس او ذرة حسب الرغبة.
- ملعقة ملح.
- ملعقة صغيرة كمون.
- وملعقة صغيرة كزبرة ناشفة.
- وملعقة صغيرة بابريكا.
مقادير السمك
- سمك بلطي متنظف ومغسول كويس جدا.
- دقيق للقلي.
- زيت للقلي
تتبيلة السمك
- 2 رأس ثوم مقشر.
- ملعقتين كبار فلفل احمر حلو مفروم.
- معلقة كبيرة كمون.
- معلقتين كبار ملح.
- عصير 2 ليمونة.
طريقة عمل ارز صيادية مع سمك مقلي
هنا مقادير الأرز نحضر حلة ونضعها علي النار ونضع الزيت فيها ثم البصل.
ونستمر في التقليب الي ان ياخد لون ذهبي غامق ثم نضيف الثوم والبهارات في المرحلة دي مع التقليب المستمر.
الي ان يصبح لونها بني غامق نضيف الأرز والماء ونغطي ونتركة يغلي.
ثم ننقلة الي عين بوتجاز اصغر ونضع تحتها الشياطة ونتركة علي الهادي جدا لمدة نصف ساعة ونقلبة مرة واحدة في خلال نصف المدة.
الي ان يصبح جاهز بالشكل دة.
نيجي بقي للسمك دة شكلة وشكل التتبيلة مع ما خلطها.
نتبل السمك كويس بالخلطة دي وندعكة كويس باليد ونعصر علية ليمون ونتركة ساعة في التتبيلة.
نحضر الزيت ونضعة علي النار يسخن وهنا انا بحب احط الدقيق في كيس اسهل وانظف بالشكل دة.
ناخد السمك من الدقيق مباشرة علي الزيت.
وبعد تمام قلي السمك بنطلعه من الزيت ويقدم بالهنا مع الأرز والسلطة وبالف هنا.
شرح فيديو ارز الصيادية والسمك المقلي
وده شرح الفيديو بالتفصيل لطريقة قلي السمك البلطي وعمل الارز الصيادية اتمنى ان ينال اعجابكم.