انهاردة هشرح لكم طريقة عمل الجمبرى بانيه كرسبى مقرمش مثل كنتاكى بالصور والخطوات والشرح بالتفصيل فى الفيديو اخر الوصفة.
والطريقة دى رائعة للحصول على الجمبرى بانيه كرسبى مثل الجاهز بالضبط.
المكونات والمقادير
نحتاج الى خلطة عبارة عن:
- جمبري مقشر ومقطوع الرأس ومفتوح من الظهر الكمية حسب الرغبة.
- ثوم مفروم.
- ليمونة.
- شطة حمراء مفرومة مش حامية او حامية حسب الرغبة.
- معلقة صغيرة كمون.
- معلقة صغيرة بابريكا.
- ملح وفلفل اسمر.
- معلقة صغيرة ثوم بودر.
- معلقة صغيرة بصل بودر.
- كركم
- معلقة صغيرة باكينج بودر.
- كوب دقيق.
- معلقة كبيرة نشا.
طريقة عمل الجمبرى بانيه
هنا دة شكل الجمبري المنظف ومغسول كويس.
وهنا دة الثوم المفروم مع الفلفل الأحمر وليمون وملح وكمون.
نخلط المكونات كلها مع كمية من الماء لنحصل علي خليط تقيل نوعا ما بالشكل دة.
ننقع وحدات الروبيان في الخليط دة ونتركه اقل حاجة ساعة وممكن يبات فية عادي.
هنا هنحضر دقيق القلي هنحتاج كوب وربع دقيق وربع كوب بقسماط ناعم ونفس البهارات اللي حطينا منها في تتبيلة النقع ونقلب كله مع بعض وانا بحطة في كيس لسهولة التعامل.
ناخد حبات الجمبري واحدة واحدة ونضعها في الكيس ونهز الكيس حتى تتغلف كليا مع الخليط.
ثم يقلي في زيت غزير علي نار عالية بالشكل دة الي ان ياخد اللون الذهبي.
وبعد كده نخرجه من الزيت ويقدم بالهنا الجمبرى مع ارز وسلطة او صوص تغميس.
شرح فيديو الجمبري البانيه
واللى حابه تشوف طريقة الجمبري بانيه كرسبي ومقرمش بالفيديو التالي اتمني ان ينال اعجابكم.