انهاردة هشرح لكم طريقة لف وعمل محشى ورق العنب بالصور والخطوات وبالتفصيل شوفوا الفيديو فى اخر الوصفة وتابعوا معايا الوصفة كالآتى:
المكونات والمقادير
هنحتاج الي اوراق ورق عنب.
- بصلتين مقطعين صغير.
- عدد 3 فصوص ثوم مفروم.
- أرز منقوع.
- معلقتين صلصة.
- عصير طماطم.
- سماق حسب الرغبة.
طريقة لف وعمل محشى ورق العنب
ده ورق عنب فروزن انا مفرزاه غليت ماء وحطيته علي الورق
وتركته متغطي عشر دقايق وبعدين صفيت المياه اللي عليه.
الاول هانعمل التسبيكة بتاعت المحشي.
هنحط في صينية علي النار معلقتين سمن او زيت علي سمن حسب الرغبة.
ونشوح البصل والثوم يادوب ريحته تطلع بس بدون تحمير.
ثم ننزل عليه بعصير الطماطم والصلصة.
ونتركه يتسبك بالشكل دة.
طبعا هنكون مجهزين خضرة المحشي كزبرة وبقدونس مفرومين.
نصفي الأرز كويس ونضع عليه الخضرة والتسبيكة وملح وفلفل وكزبرة ناشفة دي حسب رغبتك.
كل واحد لية بهاراته انا بحب احط الثلاثة انواع دول بس ونقلب الخلطة كويس جدا.
نبدأ نحشي وانا هنا بجهز الصينية اللى هسوي فيها محشي ورق العنب.
وبقوم أفرش فيها ورقتين ورق عنب ولو الاعواد موجودة حطيها في الارضية.
عشان متلسعش المحشي من تحت وكمان بحط شرائح طماطم وملح وفلفل.
ونبدأ نلف المحشي انا بفرد الورقة الناعمة تحت والخشنة فوق علي الطاولة او الرخامة.
وبقوم بفرد كذا ورقة مع بعض واحط معلقة من الحشو وابدا اثني الاطراف وألفها.
بالشكل دة وتابعى طريقة حشو ولف محشى ورق العنب مباشر من مطبخي في الفيديو ده.
ونرصة في الصينية بالطريقة اللي تحبيها.
اه نسيتاقولكم انا بحط بين كل طبقة انا برش سماق بيدي طعم حامض زي الليمون.
وبعدين نسقي المحشي شوربة أو مياه حسب رغبتك.
انا حطيت شوربة معاها مكعب مرقة وفلفل احمر مفروم مش حامي وملح وفلفل.
ونغطي علية ونتركه يستوي.
ويقدم بالف هنا انا هنا قلبت الصينية واللي فوق دي الطماطم اللي كانت في ارضية صينية المحشى.
شرح فيديو لف وعمل محشي ورق العنب
ومتنسوش تتفرجوا على شرح الفيديو التالي لو عايزين تطبقوا عملى على الطبيعة وبالهنا.