وصفة اليوم وصفة مشهورة جدا وخصوصا في العزومات وهى طريقة عمل عرق اللحمة الباردة (تربيانكو) باسهل طريقة واطعم مذاق، وده لاننا بنقدمها باردة وسهلة التحضير وممكن بتجهيز مسبق وهي اللحمة الباردة او رستو اللحم او التربيانكو، والشرح هيكون بالصور والخطوات وكمان شرح بالفيديو في اخر الوصفة كأنك في مطبخي فتابعوا معايا.
المكونات والمقادير
- عرق كامل لحم تربيانكو.
- رأس ثوم مقشرة.
- ملح وفلفل اسمر اساسي.
- بابريكا.
- ثوم بودر وممكن الاستغناء عنه.
- بصل بودر وممكن الاستغناء عنه.
مقادير التتبيلة
- 2 بصلة مقطعة.
- ليمونة كبيرة مقطعة.
- كوب ماء.
طريقة عمل عرق اللحمة الباردة
نخلط محتويات التتبيلة مع بعض في الخلاط ونصفيها ونضيف إليها التوابل ونتركها جانبا.
نحضر عرق اللحمة ونبدأ نعمل فتحات بالسكينة ونغرز فص ثوم في كل فتحة من جميع الجهات.
الي ان ننتهي من كامل العرق ومن فصوص الثوم.
نحضر خيط سميك نوعا ما ممكن دبارة ونقوم بلف العرق بالكامل بشكل متساوي وربطة بهذا الشكل.
نحضر كيس جديد ونضع فية العرق ونصب علية التتبيلة ويترك 4 ساعات علي الاقل في التتبيلة.
ويفضل قبلها بيوم حتي يتشرب من التوابل.
نغلق الكيس ونضعه بداخل قارب كبير في الثلاجة وكل فترة نقلبه علي جهة للتأكد ان العرق بالكامل تم تتبيله.
نحضر قارب كبير او صينية كبيرة ونضع فيها 3 ملاعق زيت مع ملعقة كبيرة سمنة او زبد.
ونقوم بتشويح العرق علي نار عالية من جميع الجهات الي ان ياخذ لون ذهبي بني.
ثم نصب عليه نفس التتبيلة اللي كان منقوع فيها ونغطيه ونتركه علي نار هادية يستوي.
ونختبره بالسكين ونزودله كوب ماء كمان بياخد حوالي ساعتين علي النار سواء كامل.
ولما بيستوي بيتكون صوص الديمجلاس ناخد الصوص ونضربه بالهاند بلندر او في الخلاط ويقدم بجانب العرق.
نترك العرق يبرد تمام تمام ثم نفك الخيط من عليه ويقطع شرائح رفيعة او بسمك سم حسب الرغبة ويرش عليه من صوص الديمجلاس.
ويقطع ويقدم بهذا الشكل والصوص اللى معاه ده ممكن يرش علية او يقدم جانبا حسب الرغبة.
ممكن تحفظوه فى الفريزر وتستعملوه فى اصناف اخرى.
وايضا ممكن يتعمل فى الحفلات واعياد الميلاد فى ساندوتش بيتى بان.
شرح فيديو عرق اللحمة الباردة
وده فيديو شرح طريقة عمل عرق اللحمة الباردة تربيانكو وضحت فيه كل التفاصيل جربوها وهتحوز على اعجباكم.