انهاردة هشرح لكم طريقة عمل صينية فاصوليا بيضاء فى الفرن دايت بدون تسبيك دى طريقة سهلة جدا وطعمها خفيف جدا للناس اللى مش بتحب المسبك والشرح هيكون بالصور والخطوات وكمان شرح بالفيديو في اخر الوصفة كأنك في مطبخي فتابعوا معايا.
المكونات والمقادير
هتكون تقريبية تزيد او تقل حسب الرغبة.
- نصف كيلو فاصوليا بيضاء.
- لحم مسلوق.
- 2 كوب شوربة لحم (مرقة).
- ملح وفلفل اسمر.
- شرائح 2 حبة طماطم.
- و2 بصلة مقطعة شرائح ومدعوكة بالفلفل الاسمر والملح.
- 2 ملعقة زيت.
طريقة عمل صينية فاصوليا بيضاء فى الفرن
اولا نقوم بنقع الفاصوليا في ماء يغمرها من الليل للصبح.
وهنا شكلها قبل النقع.
وهنا بعد النقع بيتضاعف حجمها.
نصفي مياه النقع وتوضع الفاصوليا في حلة وتغمر بماء اخر جديد وتسلق.
لتصبح بهذا الشكل.
ثم نحضر صينية فرن او طاجن ونضع فيه الفاصوليا المسلوقة.
نضع شرائح البصل المدعوكة بالملح والفلفل الاسمر ونقلبهم مع بعض.
نضع اللحم المسلوق في المنتصف.
ثم نضع شرائح الطماطم علي وجه الطاجن.
ونزود الطاجن كوب شوربة مغلية وملعقتين زيت وتوضع في الفرن.
الي ان تاخد لون ذهبي.
شرح فيديو صينية الفاصوليا البيضاء الدايت
وتقدم بالهنا وده فيديو شرح طريقة عمل صينية فاصوليا بيضاء فى الفرن دايت بدون تسبيك وضحت فيه كل التفاصيل جربوها وهتحوز على اعجباكم.