انهاردة هشرح لكم طريقة عمل العجمية السهلة والسريعة فى البيت لحشو الكحك واى نوع حلويات بالصور والخطوات والشرح بالفيديو فى اخر الوصفة فتابعوا معايا.
المكونات والمقادير
- كوب عسل نحل حوالي 330 جرام.
- 3 ملاعق كبيرة سمنة ما يعادل 50 جرام.
- 2 معلقة كبيرة دقيق ما يعادل 35 جرام.
- معلقة كبيرة سمسم 10 جرام.
- لو نحب عين جمل مجروش يبقي حوالي 100 جرام.
طريقة عمل العجمية
المقادير دي تعملك حوالي كيلو كحك حشو يعني.
نضع السمنة في طاسة تيفال او حلة تيفال صغيرة ونضع الدقيق ونحمرة شوية.
بالشكل ده هيتحمر الي اللون الذهبي المتوسط ونخلي بالنا علشان ما يتحرقش.
نضيف العسل مباشرة والسمسم ونقلب.
نستمر في التقليب حوالي عشر دقائق لما تتقل شوية بنطفي عليه لو هنضيف مكسرات تضاف في المرحلة دي وننقله في طبق اخر حتي تبرد ونشكلها كرات وتكون جاهزة للحشو.
شرح فيديو العجمية
وده فيديو شرح طريقة عمل العجمية اتمنى ان ينال اعجابكم.