وصفة اليوم هي طريقة عمل الكبده الإسكندراني بتكاتي الخاصة بالصور والخطوات وهنعملها بطريقة سهلة جدا وطعم مميز جدا ان شاء الله تعجبكم وكمان هيكون فيه شرح بالتفصيل بالفيديو في اخر الوصفة كأنك في مطبخي فتابعوا معايا.
المكونات والمقادير
- كيلو من الكبدة البقري.
- 4 حبات بصل مقطع مكعبات.
- حبة فلفل اخضر مقطعة مكعبات.
- حبة واحدة طماطم مقطعة مكعبات.
- عصير ليمونة.
- فلفل اسمر وملح.
طريقة عمل الكبده الإسكندراني
نشوح الكبدة في معلقة كبيرة سمنة مع فلفل اسمر.
والكبده انا بقطعها شرايح رفيعة خالص زي الشاورما.
نشوح الكبده الإسكندراني.
الي ان تتغير لونها بالشكل دة.
نضيف الليمون والبصل والطماطم والفلفل يعني كل المكونات.
ونقلبها ونتركها تستوي التكة بقي البصل الكتير بيخلي الكبدة تستوي بشكل جميل وتاخد طعم تحفة جدا لانه بيتكرمل معاها.
مش بنزود الكبدة ماء خالص هي بتستوي من ماء البصل نفسه.
شايفين شكلها ولونها بقى عامل ازاي طعم بقي خطير جدا بالف هنا تقدم مع بطاطس او ساندوتشات او مع مكرونة.
شرح فيديو الكبدة الاسكندراني
وده فيديو شرح طريقة عمل الكبده الإسكندراني وضحت فيه كل التفاصيل جربوها وهتحوز على اعجباكم.