انهاردة هشرح لكم طريقة عمل بليله القمح بالحليب والمكسرات والقشطة علي أصولها وهي من الاطباق المغذية جدا للكبار والصغار وخصوصا فى ايام البرد دي والقمح صحى جدا لما يحتويه من ألياف وعناصر غذائية مفيدة. والشرح هنا هيكون بالصور والخطوات وكمان شرح بالفيديو كأنك في مطبخي في اخر الوصفة فتابعوا معايا.
المكونات والمقادير
هتكون المقادير هنا تقريبية ليس لها معيار محدد هنحتاج الي:
- بليله قمح مقشور حوالي نصف كيلو.
- مكسرات مشكله حسب الرغبة (زبيب وبندق ولوز وجوز هند وفستق).
- حليب كامل الدسم.
- ملعقة كريم شانتي بودر.
- قشطة فلاحي او كريمة مخفوقة حسب الرغبة.
- سكر حسب التحلية.
- نترة فانليا.
طريقة عمل بليله القمح بالحليب والمكسرات والقشطة
هنا دة شكل حبوب القمح او الغلة المقشورة بنشتريها كدة من السوبر ماركت او من العطار.
ننقع القمح في ماء ونتركه حوالي 3 ساعات علي الاقل.
ثم نصفي ماء النقع ونغسله ونضعه في وعاء فيه ماء اخر نظيف ونضع القمح.
ونتركه علي النار يغلي الي ان يستوي ونغطي الوعاء ونتركه يستوي كويس هنلاحظ ان حبات القمح فتحت كدة بالشكل ده.
كدة خلاص البليله استوت وجاهزة للتحضير.
ناخد مقدار من القمح حسب الرغبة وعلي حسب عدد الاطباق اللي هنحضرها ونضعها في وعاء مع كمية حليب تغطيها ونضع معاها السكر التحلية حسب الرغبة.
ونضع ملعقة الكريم شانتي ونقلب كل المكونات مع بعضها ونتركها تغلي علي النار لما القمح بيغلي مع الحليب بيكون طعمه احلي كتير. ولما نطفي نضع ذرة فانليا.
نملئ البولات او اطباق تقديم البليله بالحليب ونضع تشكيله مكسرات حسب الرغبة.
وعلي الوجه نضع ملعقة قشطة او كريمة مخفوقة وتقدم.
شايفين الجمال رائعة جدا وخصوصا في الجو البرد بتدفي حلو جدا وتقدم بالهنا.
شرح فيديو بليله القمح
وده فيديو شرح طريقة عمل بليله القمح بالحليب والمكسرات والقشطة وضحت فيه كل التفاصيل جربوها وهتحوز على اعجباكم.