سأشرح لكم اليوم طريقة عمل وتحضير بسبوسة طرية فى المنزل، والطريقة دى لمحبي البسبوسة التى تذوب فى الفم وهى طرية جداً وطعمها لا احلى منها.
المكونات والمقادير
- نصف كيلو دقيق سامولينا (سميد).
- 2 معلقة كبيرة جوز هند.
- نصف كوب سمنة سايحة.
- نصف كوب حليب.
- كوب إلا ربع سكر.
- ملعقة كبيرة عسل جلوكوز.
- معلقة صغيرة باكينج بودر.
طريقة عمل بسبوسة طرية
- نضع دقيق السميد مع جوز الهند والبودر ونقلب.
- ثم نضيف السمنة السايحة ولازم تكون دافئة ونفركها كويس.
- هنسخن الحليب مع السكر مع العسل ثم نضيفهم للخليط.
- وندهن صينية مقاس 24 بالسمن او بالطحينة البيضاء حسب الرغبة ونصب فيها الخليط.
- ونضيف مكسرات على الوجة حسب الرغبة انا حطيت بندق فى جزء وجزء فستق.
- ندخلها فرن ساخن حوالى عشر دقايق الى ربع ساعة.
- واول ما تطلع تسقى بالشربات شيرة دافئة وتغطى بس نسقيها كويس جدا وتقطع وتقدم خطيرة جدا بالف هنا.