انهاردة هشرح لكم طريقة عمل سلطة البنجر او الشمندر بطريقة احسن من المطاعم بالصور والخطوات وكمان شرح بالتفصيل بالفيديو في اخر الوصفة كأنك في مطبخي فتابعوا معايا. وسلطة البنجر من السلطات اللذيذة جدا والمفيدة كقيمة غذائية وسهلة التحضير بناكلها في اشهر المطاعم في بوفيه السلطات.
وتعتبر ثمار البنجر او ما يعرف بالشمندر ذات اهمية كبيرة لاحتوائها على الحديد وحمض الفوليك وفيتامين (ج) ويصنع بها العديد من انواع السلطات المشهورة فى اغلب المطاعم.
المكونات والمقادير
- تعتبر هنا المقادير تقريبية ممكن نزود او نقلل حسب الرغبة.
- كيلو بنجر (شمندر).
- ربع كوب عصير ليمون.
- ربع كوب زيت.
- معلقة كبيرة سكر.
- معلقة صغيرة ملح.
طريقة عمل سلطة البنجر
نغسل حبات البنجر كويس جدا ونقطع الطرفين من تحت وفوق قطعة صغيرة ودى شكلها بعد ما اتغسلت.
نحضر حلة ونضع فيها كمية وفيرة من الماء ونضع حبات البنجر فيها.
ونضعها علي البوتجاز ونسلقها ونتحكم في مقدار التسوية حسب ما بنحبه مستوي جدا او ثلاثة ارباع سواء.
نصفيه من الماء المغلي ونغسله بماء بارد ونبدأ نقشر القشرة الخارجية بتطلع بكل سهولة.
ويفضل ارتداء جلافز (جوانتي) لانه بيعمل لون احمر جامد جدا في اليد.
وهنا بعد ما قشرناه كله نبدأ بتقطيعه الي اصابع او مكعبات حسب الرغبة.
ونضعه في بولة او علبة بغطاء ونرش عليه الليمون والزيت والملح والسكر.
وندعكه كويس جدا او نخلطه باليد او بمعلقة حسب الرغبة حتي تتداخل المكونات كلها مع بعضها.
بنتحكم في كمية الملح والسكر حسب ما بنفضله حسب الرغبة.
ويفضل اننا نتركها ليلة كاملة في الثلاجة الطعم بيتركز اكتر واكتر.
هنا حطيتها في علبة وبغطاء وندخلها الثلاجة وتقدم بالهنا.
وده فيديو شرح طريقة عمل سلطة البنجر وضحت فيه كل التفاصيل جربوها وهتحوز على اعجباكم.