انهاردة هشرح لكم طريقة عمل العيش البوري اللي هو الخبز بتاع تكا فى المنزل بأسهل طريقة والشرح كامل بالصور والخطوات والشرح بالفيديو كأنك فى مطبخي فى اخر الوصفة فتابعوا معايا.
والعيش البوري نوع من انواع الخبز يقلي في الزيت ويقدم مع المشويات والسلطات كطبق جانبي.
المكونات والمقادير
- 1 كوب دقيق.
- ثلث كوب ماء عادي.
- معلقة كبيرة زيت.
- رشة ملح فقط لا غير بدون اي مواد رافعة.
- المقادير تكفي لعمل 4 عيش بوري كبير او 6 وسط.
طريقة عمل العيش البوري تكا
نخلط مكونات العجينة كلها مع بعضها الي ان نحصل علي عجينة طرية لا تلتصق باليد.
تقسم العجينة الي 4 كرات.
تغطي وتترك عشر دقائق ترتاح ثم نفردها علي دقيق الي دائرة وسط.
ونغطيها ونتركها 5 دقايق كمان ثم نفردها تاني الي سُمك رقيق جدا.
بالشكل ده ملاحظين الفرق في الحجم بين اول مرة فردته وتاني مرة.
نكمل باقي الكرات ونتركها 5 دقائق أخرى قبل القلي.
ويقلي في زيت غزير وناخد من الزيت ونضع علي الوجه حتي ينتفخ.
ويقلب علي الجهة الاخري ويقدم بالهنا.
شرح فيديو خبز تكا
وده فيديو شرح طريقة عمل العيش البوري او خبز تكا اتمنى ان ينال اعجابكم.