انهاردة هشرح لكم طريقة عمل البريوش او الشريك او الفريسكا بالصور والخطوات والشرح بالتفصيل بالفيديو فى نهاية الوصفة فتابعوا معايا.
المكونات والمقادير
- 4 كوب دقيق وممكن نحتاج في الآخر لربع كمان.
- نصف كوب سكر.
- نصف كوب زبيب اختياري.
- 2 معلقة زيت ومكعب زبدة 40 جرام.
- معلقة كبيرة خميرة.
- رشة ملح.
- 2 بيضة.
- فانليا.
- ممكن بشر ليمون حسب الرغبة.
- كوب حليب دافئ للعجن.
طريقة عمل البريوش او الشريك او الفريسكا
نعجن كل المقادير مع بعض ونضيف الزبدة في اخر مرحلة للعجن.
ولو احتاجت رشة دقيق تمام نزود بس مش كتير حسب نوع الدقيق.
نترك العجينة تخمر وترتفع.
ثم نبدأ في التشكيل تاخد قطعة من العجين نعملها على شكل حبل ونلفها حلزوني بالشكل ده.
والطريقة بالتفصيل في الفيديو اخر الوصفة.
نرص الكمية علي صينية فرن مدهونة بسيط ونترك مسافات.
وندهن الوش بخليط من البيض مع الحليب والنسكافية ونرش سكر وندخلها الفرن بعد ما تخمر تاني.
وتقدم بالهنا حلوة جدا ولذيذة وناجحة.
شرح فيديو البريوش او الشريك او الفريسكا
وده فيديو شرح طريقة عمل البريوش او الشريك او الفريسكا اتمنى ان ينال اعجابكم.