انهاردة هشرح لكم طريقة كريمة الزبدة بمكون واحد فقط وبدون اضافة سكر لعمل الورد والكوتنج للتورت بالصور والخطوات وكمان هيكون فيه شرح بالفيديو في اخر الوصفة كأنك في مطبخي.
ولازم نعرف ان كريمة الزبدة دي هي نوع من أنواع الكريمات التي تستخدم لحشو التورت وتغليفها من الخارج وخصوصا تحت الفندان (عجينة السكر) ومن مميزاتها انها بتكون ناعمة وكريمى جدا.
المكونات والمقادير
- 250 جرام زبدة.
- 500 جرام شيكولاتة بيضاء او بني فقط لا غير.
طريقة عمل كريمة الزبدة
الزبدة تكون في حرارة المطبخ.
نبدأ بتسييح الشيكولاته في الميكروويف او علي حمام مائي.
ثم نضيف اليها الزبدة المقطعة ونقلبها وهنلاقي ان الزيدة هتسيح في حرارة الشيكولاته بالشكل ده.
بتكون قوامها تقيل نوعا ما مش سايلة خالص.
توضع في بولة العجن وباستخدام المضرب الكف.
نبدأ بخفق الخليط جيدا.
ونستمر في الخفق الي ان يصبح لونه فاتح وقوامه تقيل وكريمي.
بالشكل دة وبكدة حصلنا علي كريمة زبدة بالشيكولاته قوام رائع جدا ونستخدمها في عمل ورد وممكن نلونها بألوان جيل.
وتستخدم ايضا كوتنج للتورت تحت عجينة السكر.
دة شكل تغليف الكريمة للتورت.
وهنا عملت بالكريمة ورد وروزيتات.
شرح فيديو عمل كريمة الزبدة
تابعوا الفيديو هتكلم فيه علي اسرار نجاح طريقة كريمة الزبدة والفرق في الاستعمال صيفا وشتاءاً والاختلافات.