انهاردة هشرح لكم طريقة عمل صوص الكريز (الكرز) واللى بيستخدم فى حشوات الكيك او التشيز كيك أو فى الايس كريم واى نوع من انواع الحلويات اللى تحبوها والشرح هنا بالصور والخطوات وكمان شرح بالفيديو فى اخر الوصفة كأنك فى مطبخي فتابعوا معايا.
المكونات والمقادير
- كيلو من الكريز الطازج منزوع البذر ومقطع نصفين او كامل حسب الرغبة.
- كوب من الماء.
- كوب من السكر وممكن نزيد الي كوب ونصف.
- ملعقتين كبار نشا مذوبة في ربع كوب ماء.
- نترة فانيليا.
طريقة عمل صوص الكريز
ننزع البذر من الكريز بواسطة شاليمو أو بإستخدام أداة نزع البذر.
ويقطع الي نصفين وممكن يترك كامل حسب الرغبة.
يوضع في حلة علي النار مع الماء والسكر ويقلب ويترك يغلي خمس دقائق.
الي ان يصبح بهذا الشكل.
نذوب النشا في ربع كوب ماء ويضاف الي الكريز مع التقليب.
هنلاحظ انه تقل وكون صوص ممتاز نضيف الفانيليا ونرفعه من علي النار او نطفي النار.
ويسكب في برطمان زجاج او علبة محكمة بعد ما يبرد.
شرح فيديو عمل صوص الكريز
وده فيديو شرح تحضير صوص الكريز في البيت وضحت فيه كل التفاصيل جربوها وهتحوز على اعجباكم.