في وصفة انهاردة هشرح لكم طريقة عمل سلطات باردة مثل بوفيه سلطات بيتزا هت وتكا والشرح بالصور والخطوات وكمان شرح بالفيديو كأنك فى مطبخى وهتعرفوا ازاي تعملوا بوفية سلطات بيتزا هت وتكا في البيت وهعملكم 6 أنواع للسلطات.
وهم سلطة الكول سلو وسلطة الفاصوليا الخضراء والفاصوليا الحمراء والسيمون سلاط وسلطة البطاطس والبسلة الروسية وسلطة الحمص.
مقادير سلطة السيمون
- كوب من المايونيز.
- 2 ملعقة كبيرة كاتشب.
مقادير سلطة الحمص
- 2 كوب من الحمص المسلوق.
- جزرة مبشورة.
- 1 طماطم مقطعة صغير.
- 1 فلفل اخضر مقطع صغير.
- نصف كوب كزبرة خضراء مقطعة.
- ملح وفلفل اسمر.
- سماق.
- 1 بصلة مقطعة.
- معلقة كبيرة زيت.
- معلقة كبيرة دبس رمان.
- معلقة كبيرة خل.
مقادير سلطة الفاصوليا الخضراء
- 2 كوب فاصوليا خضراء مسلوقة.
- معلقتين زيت.
- معلقة كبيرة خل.
- 2 معلقة كبيرة سكر.
- معلقة صغيرة فلفل اسمر.
- معلقة صغيرة ملح.
- 1 بصلة مقطعة صغير.
- 1 فلفل مقطع صغير.
- ممكن اضافة فلفل الوان حسب الرغبة.
مقادير سلطة الفاصوليا الحمراء
- 2 كوب فاصوليا حمراء معلبة مصفاه ومغسولة.
- معلقة صغيرة فلفل اسمر.
- معلقة كبيرة خل.
- معلقة كبيرة زيت.
- معلقة كبيرة سكر.
- ملح.
- بصل شرائح بالسماق.
- 1 فلفل اخضر مقطع.
- ممكن اضافة الفلفل الالوان.
مقادير سلطة الكول سلو
- 2 كوب من الكرنب المقطع صغير.
- 1 كوب جزر مبشور.
- كوب زبادي.
- كوب مايونيز.
- نصف كوب حليب.
- معلقة كبيرة عسل نحل.
- عصير ليمونة.
- ربع معلقة صغيرة ملح.
- 2 معلقة كبيرة سكر.
مقادير سلطة البطاطس والبسلة الروسية
- 2 كوب من البطاطس المكعبات المسلوقة.
- كوب من البسلة المسلوقة.
- وكوب من الجزر المكعبات المسلوق.
- كوب من الزبادي.
- 1 كوب من المايونيز.
- ملح وفلفل.
- عصير ليمونة.
- ربع كوب خيار مخلل مقطع مكعبات صغيرة.
طريقة عمل سلطات باردة
وهنا شرح طريقة عمل ال 6 انواع سلطات بوفيه بيتزا هت وتكا الباردة.
عمل سلطة السيمون
نخلط المايونيز مع الكاتشب بدون اضافة اي توابل اخري.
عمل سلطة الحمص
نخلط مكونات الدريسنج كلها الزيت مع الخل والدبس والملح والفلفل والطماطم والكزبرة والفلفل والجزر والبصل ونضع الحمص ونقلب وبس كدة.
ودة شكلها.
عمل سلطة الفاصوليا الخضراء
نخلط الزيت مع الخل والسكر والفلفل الاسمر ثم نضيف الفلفل والبصل والفاصوليا ونقلب الملح في كل السلطات نظبطه حسب الرغبة.
عمل سلطة الفاصوليا الحمراء
نخلط الزيت والسكر والفلفل والخل مكعبات الفلفل الأخضر وان وجد الوان تمام والبصل والفاصوليا ونقلب.
عمل سلطة الكول سلو
نخلط الكرنب بالجزر ونضع عليه السكر ونتركه جانبا.
ثم نقوم بعمل الدريسنج نخلط الزبادي مع الحليب والمايونيز والعسل والملح والفلفل ونقلب ونصبهم علي خليط الكرنب والجزر.
وده شكل سلطة الكول سلو وتقدم.
عمل سلطة البطاطس بالبسلة الروسية
نضع البطاطس بالبسلة والجزر مع بعض وطبعا يكونوا مسلوقين.
ونقوم بعمل الدريسنج.
نخلط المايونيز بالزبادي والزيت والفلفل الأسمر والملح والخيار المخلل ونقلب ثم تصب على البطاطس والجزر والبسلة وتقدم.
الميزة في السلطات دي كلها انها تقدم باردة ونحتفظ بها في الثلاجة لحين التقديم.
وتقدم بالف هنا واحلي من المطاعم مليون مرة بوفية سلطات محترم.
وده فيديو شرح طريقة عمل سلطات باردة مثل بوفيه سلطات بيتزا هت وتكا وضحت فيه كل التفاصيل جربوها وهتحوز على اعجباكم.