انهاردة هشرح لكم طريقة عمل شوربة البصل بالصور والخطوات وهنعمل من وصفة واحدة طبقين مختلفين لشوربة البصل وهي الفرنسية وبالكريمة وكمان هيكون فيه شرح بالتفصيل اخر الوصفة بالفيديو كأنك في مطبخي فتابعوا معايا.
المكونات والمقادير
- 3 بصلات مقطعين سلايز رفيع.
- نصف معلقة صغيرة سكر.
- معلقة كبيرة دقيق.
- لتر شوربة دجاج او لحم حسب الرغبة. واذا لم تتوفر ممكن مكعب مرقة مع لتر ماء مغلي.
- فلفل اسمر.
- ملح.
مقادير تقديم شوربة البصل
- كوب صغير كريمة طبخ.
- جبنة شيدر او موزاريلا.
- 2 شريحة خبز توست او باجيت.
- بقدونس مفروم او بصل اخضر مفروم.
طريقة عمل شوربة البصل
في حلة على النار نضع ملعقة سمنة وننزل بشرائح البصل ونشوحها كويس علي نار متوسطة مع اضافة السكر والفلفل الاسمر.
الي ان يتحول الي اللون الذهبي المتكرمل ننزل بالدقيق ونشوح.
ثم نضيف الشوربة ونضبط الملح ونتركها تستوي كويس وتتقل.
الي ان يصبح قوامها تقيل نوعا ما.
في المرحلة دي كدة اول طريقة وهي طريقة عمل شوربة البصل الفرنسية.
اخدت جزء من الشوربة ونغرفها في اطباق التقديم ونضع فوقها قطعة توست محمصة بالزبدة ونرش الجبنة الشيدر والموزاريلا وتوضع تحت الشواية تسيح الجبنة وتقدم بالهنا.
او ممكن نسيح الجبنة علي التوست ثم يوضع فوق الشوربة دي اول طريقة.
واما لعمل الطريقة التانية.
نأخذ الجزء الباقي من الشوربة ثم نضيف إليها الكريمة.
ونتركها تغلي شوية وبس كده تقدم شوربة البصل في اطباق وتزين ايضا بقطعة التوست المحمصة بالجبنة الشيدر.
وتقدم برشة بقدونس او بصل اخضر مفروم حسب الرغبة بهذا الشكل.
ويقدموا بالف هنا لذيذة جدا جدا وسهلة التحضير.
وده الفيديو اللى شرحت فيه طريقة عمل شوربة البصل الفرنسية بالكريمة اتمنى ان ينال اعجابكم.