انهاردة هشرح لكم طريقة عمل شوربة المشروم بالكريمة اللذيذة بطعم خرافي وبطريقة سهلة جدا وهي شوربة من احلي واطعم انواع الشوربات وسريعة جدا في التحضير وطعمها مميز جدا لعشاق المشروم والشرح بالصور والخطوات، وكمان شرح بالفيديو كأنك في مطبخي في اخر الوصفة فتابعوا معايا.
المكونات والمقادير
- حوالي 2 كوب مشروم مقطع.
- نصف كوب كريمة طبخ.
- بصلة مفرومة ناعم.
- 2 فص ثوم مفروم.
- معلقة كبيرة دقيق.
- 2 كوب شوربة او ماء ومكعب مرقة.
- ملح وفلفل.
- ثوم بودر.
- بصل بودر.
- رشة جوزة الطيب حسب الرغبة.
طريقة عمل شوربة المشروم بالكريمة
في حلة علي النار نضع ملعقة زبدة او سمنة ونشوح فيها البصل مع الثوم بدون تغيير لون مجرد ريحته تطلع.
ننزل بالمشروم ونشوح.
نشوح المكونات مع بعضها ثم نضع الدقيق ونقلب.
ثم نضيف الشوربة والبهارات ونترك المشروم يستوي.
فيه اختيارين الاول اننا نسيب المشروم كدة حلقات بدون ما نضرب الشوربة.
او الاختيار التاني اننا نضربها نصف ضربة او ضربة كاملة حسب الرغبة.
انا هنا ضربتها بالهاند بلندر نصف ضربة يعني فية قطع صغيرة من المشروم بداخل الشوربة وجزء ناعم ميكس بين الاثنين.
ثم نضيف الكريمة ونتركها تغلي وبس كدة.
تقدم بالف هنا مع رشة بقدونس للتزين او قطع مشروم علي الوجه حسب الرغبة.
وده فيديو شرح طريقة عمل شوربة المشروم بالكريمة وضحت فيه كل التفاصيل جربوها وهتحوز على اعجباكم.