انهاردة هشرح لكم طريقة عمل حلي الشيكولاته البرازيلي الديسباسيتو بالصور والخطوات والشرح بالتفصيل فى الفيديو اخر الوصفة، فتابعوا معايا.
المكونات والمقادير
هنا المقادير حسب الكمية اللي هتتعمل انا هنا مثلا عملت 7 أكواب استخدمت المقادير التالية:
- جناش شيكولاته.
- الموس او خليط حشو الديسباسيتو.
- كيك شيكولاته سواء اسفنجي او فادج اي نوع كيك تفضيله.
مكونات جناش الشيكولاته
- 2 كوب شيكولاته.
- كوب كريمة سايلة.
- 2 معلقة نوتيلا.
خليط حشو الديسباسيتو
- كوب بودرة موس شيكولاته.
- نصف كوب بودرة كريم شانتيه خام بدون سكر.
- 2 معلقة كاكاو ممتاز انا استعملت هنتز ألماني.
- نضربهم بحليب بارد او ماء مثلج إلى أن نصل لقوام متوسط مائل الخفيف نوقف الضرب ثم نضيف شوية من جناش الشيكولاتة ونقلب بالمعلقة مش المضرب.
- وهنحتاج نصف كوب كاكاو مع معلقة كبيرة نوتيلا مذوبة ودافئ في الميكرويف.
تحضير الجناش
نبدأ نسيح الشيكولاته والكريمة مع بعض في الميكرويف الشيكولاته الاول ثم نضيف الكريمة ونقلبها كويس ونضيف 2 معلقة نوتيلا اصلي علشان ندعم الطعم ونقلبهم نحصل علي جناش شيكولاته.
طريقة عمل حلي الشيكولاته البرازيلي الديسباسيتو
نحضر الاكواب او الكاسات ونبدأ بوضع طبقة من الكيك متوسطة ونسقيها بخليط الكاكاو.
ثم نضيف خلطة الحشو الموس.
ونساوي الوجه ثم نضيف جناش.
وتزين بخطوط نوتيلا متسيحة واي شيكولاتات عاوزينها طعمها فاخر جدا لعشاق الشيكولاته.
وزي ما قلتلكم في الفيديو استخدموا منتجات درجة اولي واصلية علشان تحصلوا علي طعم مميز جدا كتير بيعملوه.
عادي لكن الطعم بيختلف من حد للتاني علي حسب نوع الخامات المستخدمة ويقدم بالهنا.
شرح فيديو الديسباسيتو
وده فيديو شرح طريقة عمل الديسباسيتو اتمنى ان ينال اعجابكم.