أنواع العجائن مختلفة وكل مرة هعملكم نوع مختلف باذن الله اليوم هتعرفوا طريقة عمل بيتزا عائلية بحشوات مختلفة مع صوص المارجريتا بعجينة العشر دقائق لازم في الاول ننخل الدقيق كويس دة شرط لنجاحها والمقادير على مرحلتين والشرح هيكون بالصور والخطوات وبالفيديو فى اخر الوصفة بطريقة سهلة وسريعة.
مقادير المرحلة الاولى
- 2 كوب ماء فاتر.
- 2 كوب دقيق.
- 2 معلقة كبيرة حليب بودر.
- ربع معلقة صغيرة ملح.
- ربع معلقة صغيرة سكر.
- معلقة كبيرة خميرة فورية.
مكونات ومقادير المرحلة الثانية
- بيضة.
- ثلث كوب زيت.
- من 3 الي 4 أكواب دقيق.
طريقة عمل عجينة بيتزا عائلية
نخلط مقادير المرحلة الأولى ونقلبها بمضرب شبكي او اسباتيولا ونغطيها ونتركها تخمر عشر دقائق.
وهنحضر صوص المارجريتا وطريقة عملها بالتفصيل هنا وده شكلها.
وهنا شكل مقادير المرحلة الاولي بعد التخمير.
نضيف البيضة والزيت والدقيق المنخول ونعجن.
تغطي العجينة وتترك تخمر الي ان نحصل علي هذا الشكل.
نفرد العجينة في صينية كبيرة مقاس 60 × 40 عائلية وندهنها بصوص المارجريتا.
وهنا انا تركت جزء هعمله بالزعتر كمان يادوب برش زيت زيتون واحط زعتر بالسمسم وملح.
والاجزاء المتبقية جزء عملته بزيتون وفلفل وجبنة وسلامي او ببروني حسب الرغبة.
والجزء التاني بصوص مارجريتا وجبنة وببروني فقط.
ندخلها فرن حار علي الشبكة من تحت اول رف وده شكلها وهي في الفرن وبعد ما تخلص نخرجها وتقطع وتقدم بالهنا.
شرح فيديو عمل بيتزا عائلية بحشوات مختلفة
وده فيديو شرح طريقة عمل بيتزا عائلية بحشوات مختلفة اتمنى ان ينال اعجابكم.