انهاردة هشرح ليكم طريقة عمل سلطة الفتوش بالخطوات وسريعاً كده السلطة دى عبارة عن سلطة عادية بس مضاف إليها قطع من الخبز المحمص وزيت الزيتون.
المكونات والمقادير
- ¼ كيلو طماطم.
- ¼ كيلو خيار.
- ⅛ كيلو بصل أخضر.
- ⅛ كيلو خس
- ⅛ كيلو قطع خبز محمص
- زيت زيتون.
- ملح.
- ليمون.
طريقة عمل سلطة الفتوش
- هنا ده عبارة عن بصل اخضر وخيار وطماطم وخس مقطعين حجم متوسط.
- وقطع من الخبز المحمص انا بقطعه واحمصه فى الفرن او الميكرويف.
- لكن كمان هى ممكن بالعيش الابيض العادى او اى نوع ولو عايزه له مذاق احلى تجيبى حته زبدة وتخلطى عليها رشة فلفل اسمر وملح وفصين ثوم مهروسين ناعم قوى وتخلطيهم ببعض وبإيدك كده تخلطيها فى قطع الخبز وتحطيها تتحمص.
- نخلط كل المكونات مع بعضها ونترك جزء من الخبز المحمص للتقديم ونضع ملح وليمون وزيت زيتون.
- وتقدم بهذا الشكل بأول الوصفة مع اضافة المزيد من الخبز المحمص وبالهنا.