انهاردة هشرح لكم طريقة عمل المعجنات الهشة والطرية جدا بافكار حشوات جديدة ومختلفة ولذيذة بعجينة قطنية رائعة والشرح كامل بالصور والخطوات وكمان شرح بالفيديو كأنك فى مطبخى فى اخر الوصفة فتابعوا معايا.
المكونات والمقادير
- 5 أكواب دقيق منخول.
- كوب حليب دافئ للعجن.
- 1 بيضة.
- 2 ملعقة كبيرة حليب بودر.
- 1 ملعقة كبيرة سكر.
- ربع ملعقة صغيرة ملح.
- 1 ملعقة كبيرة خميرة فورية.
- 2 ملعقة كبيرة زبدة لينة.
مقادير تخميرة العجين
- ثلث كوب دقيق مع كوب الا ربع ماء او حليب حسب الرغبة.
خليط التلميع
- ربع كوب لبن رايب مع معلقة كاتشب او معلقة صوص مارجريتا.
- سمسم للتزين.
مقادير صوص المارجريتا
- كوب عصير طماطم في الخلاط.
- 3 فصوص ثوم.
- معلقة صلصة.
- ثوم بودر وبصل بودر وملح وفلفل.
- ربع معلقة سكر.
- ملعقة زيت.
أنواع الحشوات
- زعتر وزيت زيتون.
- جبنة اسطنبولي مع براميلي مع فلفل اخضر.
- تونة وبصل وفلفل.
- سوسيس او فرانكفورت.
- فراخ مفرومة مع جزر وفلفل وباربكيو واى حشوات حسب الرغبة.
المقدار ده بيعمل بالظبط 2 بيتزا حجم 26 سم وحوالي كيلو ونصف من الباتيهات او المعجنات المشكلة.
طريقة عمل معجنات هشة وطرية
نضع 4 اكواب دقيق مع المواد الجافة والبيضة وعجينة التخميرة مع بعض في بولة العجن ونعجن بالحليب.
ثم نضيف الزبدة ونعجن الي ان تصبح عجينة ناعمة ملساء ولو احتاجت تتضبط هنزود بالتدريج نصف كوب الدقيق المتبقي.
الي ان نحصل علي عجينة متماسكة وطرية في نفس الوقت ويادوب بتشبط بسيط في اليد.
اخدت منها 2 كورة متوسطة وغطتيها وسبتها تخمر للبيتزا وباقي العجين للمعجنات غلفتها بالنايلون ونتركها تخمر.
بعد ما خمرت فردت البيتزا ودهنت ظهر الصينية زيت.
ووضعت العجينة عليها وضفت مكونات الحشو حسب الرغبة مع جبن موزاريلا وصوص مرجريتا.
بالشكل ده وندخلها الفرن ساخن بتاخد حوالي عشر دقائق.
وده شكلها.
باقي كمية العجين نفردها علي رشة دقيق الي مستطيل او مربع كبير سمك رفيع ونبدأ نقطع منه ونشكل معجنات يفضل مشاهدة الفيديو لمعرفة كيفية التشكيل بالضغط هنا او فى اخر الوصفة.
وهنا شكل الحشوات.
وده شكل المعجنات راجعوا الفيديو في اخر الوصفة لمعرفة طريقة تشكيل المعجنات.
ندهنها بخليط دهان الوجه وهو عبارة عن ربع كوب لبن رايب مع معلقة كاتشب.
ونرش سمسم وتخبز في فرن حوالي ربع ساعة يادوب تاخد اللون الذهبي.
وبكده نكون حصلنا على معجنات هشة جدا وطرية وناعمة وتقدم بالهنا والشفا.
شرح فيديو معجنات هشة وطرية
وده فيديو شرح طريقة عمل المعجنات الهشة والطرية جدا وضحت فيه كل التفاصيل جربوها وهتحوز على اعجباكم.