انهاردة هشرح لكم طريقة عمل الفراخ المشوية في الفرن بأسهل طريقة ممكن تتخيلوها بالصور والخطوات وكمان شرح بالفيديو في اخر الوصفة كأنك في مطبخي فتابعوا معايا.
المكونات والمقادير
- فرخة مقطعة ارباع انا هنا استخدمت اوراك فقط.
- عصير 2 ليمونة.
- 2 طماطم مقطعة.
- عدد 2 حبة فلفل مقطع.
- 2 بصلة كبيرة مقطعة.
- ملح فلفل.
- بصل بودر.
- ثوم بودر.
- بابريكا.
- سمنة او زيت.
ملعقة صغيرة من كل مما يلي:
طريقة عمل فراخ مشوية في الفرن
بمنتهي البساطة نخلط جميع التوابل مع بعض ونضعها علي الدجاج مع عصير الليمون.
بكدة نكون تبلنا الفراخ كويس نحضر صينية فرن او طاجن ونضع فيه نصف كمية الخضار (البصل والطماطم والفلفل) ونتبلهم بملح وفلفل.
نضع قطع الدجاج كلها علي خليط الخضار.
ثم نضيف باقي الخضار علي الوجه.
نضيف ملعقة السمنة او الزيت.
نزودها كوب ماء ونضع الصينية او الطاجن علي النار اول ما تغلي نغطيها بالفويل وتوضع في الفرن.
حوالي ساعة الا ربع او نصف ساعة حسب الكمية وحسب الفرن ثم ندهن الوجه من الصوص الناتج من التسوية وممكن ندهنه صلصة طماطم حسب الرغبة.
ونشغل الشواية نحمر الوجه وتقدم بألف هنا.
ونعمل لها فحمة علشان تاخد طعم الشواء وتقدم بالف هنا.
شرح فيديو الفراخ المشوية
وده الفيديو اللى شرحت فيه طريقة عمل الفراخ المشوية في الفرن يارب تحوز على اعجباكم.