انهاردة هشرح لكم طريقة عمل حمص الشام او كما تسمي في مصر الحلبسة وهبينكم فيها اسرار الطعم الاصلي باسهل طريقة والشرح هيكون بالصور والخطوات وكمان هيكون فيه شرح للحلبسة بالفيديو في اخر الوصفة كأنك في مطبخي فتابعوا معايا.
مقادير الحلبسة
- واحد كيلو حمص شام.
- 1 كوب عصير طماطم.
- 1 مكعب مرقة دجاج.
- 3 فصوص ثوم مفروم.
- كمون.
- ملح.
- ثوم بودر.
- بابريكا.
مكونات عمل دقة الحلبسة
- ماء من سلق الحمص.
- ملح وكمون وشطة.
طريقة عمل حمص الشام
اولا نقوم بنقع الحمص ليلة كاملة في ماء غزير.
ثم تاني يوم نصفيه كويس ويوضع في الاناء او الحلة اللي هنسلقها فيها ونغمره بالماء.
ثم نضيف باقي المكونات من عصير الطماطم والتوابل والثوم ومكعب المرقة.
يرفع علي النار الي ان يستوي لو في حلة الضغط بياخد نصف ساعة فقط ولو حلة عادية بتكون حسب الكمية وعشان نعرف انها استوت او لا بناخد واحدة من حمص الشام ونضغط عليها ونختبر السواء بيكون ده شكلها بعد ما تستوي.
كده بيكون جاهز للاكل.
نحضر الدقة هناخد من ماء سلق الحمص كوب ونضيف الملح والكمون ونقلب ويوضع في زجاجة وناخد باقي الكمية ونضيف اليها الشطة المفرومة او السائلة او البودرة.
وتوضع في زجاجة اخرى ويضاف منها عند التقديم حسب الرغبة مع اضافة الليمون.
ويقدم بالهنا ساخن لذيذ جدا في الشتاء.
شرح فيديو حمص الشام
وده فيديو شرح الحلبسة او حمص الشام وضحت فيه كل التفاصيل جربوها وهتحوز على اعجباكم.