انهاردة هشرح لكم طريقة عمل آيس كريم بمكونين 2 فقط بدون ماكينة الايس كريم وطعم الحليب غني وقوي فيه لا يقاوم وسهل جدا وبأكثر من طعم والشرح كامل هيكون بالصور والخطوات وكمان شرح كامل بالفيديو كأنك فى مطبخي فى اخر الوصفة فتابعوا معايا.
المكونات والمقادير
الكمية دي عملت معايا كيلو ونصف من الايس كريم الغني الرهيب هنحتاج الي:
- 1 لتر من كريمة الخفق السائلة حيواني.
- علبة حليب مكثف محلي.
مقادير النكهات
- 3 ملعقة كبيرة بودرة كاكاو خام.
- 3 ملعقة زبدة لوتس.
- 2 معلقة كبيرة نسكافيه.
- علبة او 2 زبادي بالتوت.
- فانيليا.
طريقة عمل آيس كريم
اولا نضع بولة العجان والمضرب السلك في الفريزر ساعة قبل البدء بالعمل.
ونضع كريمة الخفق في الثلاجة قبلها بيوم وقبل الشغل بربع ساعة توضع في الفريزر.
نسكب كل مقدار كريمة الخفق في البولة ونبدأ نخفق الي ان تبدأ تثقل.
بالشكل ده ونتوقف عن الخفق اول ما تبدا تتماسك حتي لا تفصل.
ثم نضيف علبة الحليب المكثف المحلي كلها.
ونرجع نضربهم تاني دقيقتين بس يادوب يتقل شوية كمان.
وبس كدة دي القاعدة الأساسية للايس كريم.
نضيف النكهات حسب الرغبة انا قسمت الكمية الي 5 علب وكل علبة ضفت عليها طعم مختلف.
نبدأ نضيف علي اول علبة فانيليا سائلة حوالي نصف معلقة صغيرة ونقلبها وبس باسباتيولا او معلقة عادية.
وعلبة ثانية ضفت 3 ملاعق كاكاو وممكن كمان تسيحي معلقتين نوتيلا وتضيفها عليها وقلبي برضوا وبس.
وكمان علبة اخري ضفت عليها زبدة لوتس متسيحة بسكويت متكسر وقلبت.
وعلبة كمان ثانية ضفت الزبادي بالتوت وقلبت ودة شكلهم.
يوضع في الفريزر ليلة كاملة يجمد ويقدم حسب الرغبة.
شرح فيديو عمل الايس كريم
وده فيديو شرح طريقة عمل الايس كريم اتمنى ان ينال اعجابكم.