طبعا عصير مشروب السوبيا ليها اكتر من طريقة بس انا عن نفسى جربت الطريقة دى وعجبتنى جدا وعلى فكرة كمان حاليا موجود عند العطارين بودرة خاصة بالسوبيا وهنا لعمل زجاجة زى اللى فى الصورة.
المكونات والمقادير
- كوب حليب.
- كوب ماء او كوب ونصف.
- 5 ملاعق كبيرة بودرة حليب مجفف.
- 5 ملاعق كبيرة سكر او حسب رغبتك فى التحلية.
- معلقة صغيرة روح جوز الهند متوفر عند العطار ورخيص جدا.
- فانيليا سائلة او بودر.
وممكن نعمل اضافة ربع كوب ماء شوفان يعنى ننقع 2 معلقة شوفان فى نصف كوب ماء ونقلبه كويس ونسيبه لما الماء يتقل وياخد خلاصة الشوفان نصفيه ونضيفه عليها لكن انا بصراحة عملتها بدون شوفان وده شكله.
ودة شكل حبيبات الشوفان.
طريقة عمل عصير مشروب السوبيا
- اول حاجة نحط الحليب البودرة مع السكر والفانيليا لو بودر ونقلبهم خمس دقايق كدة بتكون زى الرمل.
- ثم نضيف كوب الحليب ونقلب جيدا ثم روح جوز الهند ثم نضيف الماء المثلج ونقلب جيدا.
- انا بعملها واحطها فى زجاجة واحطها فى الثلاجة لانها كل ما كانت مبردة بتكون اطعم وبصراحة طلعت زى الجاهز بالضبط طبعا لو حابين ممكن نزود ماء الشوفان فى المرحلة دى.
- وتقدم مبردة بالهنا طبعا مميزة جدا فى رمضان وكل عام والجميع بخير مع تحياتى.
شرح فيديو عصير السوبيا
وده فيديو شرح طريقة عمل عصير السوبيا اتمنى ان ينال اعجابكم.