انهاردة هشرح ليكم طريقة عمل فطير مورق طري بدون فرن وهو عبارة عن ميني فطير صغير بيتم تحضيره في نصف ساعة فقط وبدون فرن هعمله علي الطاسة وبمكونات سهلة وبسيطة وهيطلع مورق وطري وهشرحه ليكم كامل بالصور والخطوات وكمان شرح بالفيديو فى اخر الوصفة كأنك فى مطبخى فتابعوا معايا.
مكونات عجينة الفطير
هذه المقادير تكفى لعمل 4 فطيرات مورقة ومن الممكن ان نضاعف المقدار حسب الرغبة وكمان ممكن نكبر الكرات لنحصل على فطير حجم كبير:
- 2 كوب دقيق.
- ربع معلقة صغيرة ملح.
- نصف كوب ماء عادي.
- 2 معلقة كبيرة زيت.
مقادير خلطة التوريق
- ربع كوب زبدة نيوزيلاندي.
- ربع كوب سمنة بلدي.
- معلقتين زيت.
- معلقة صغيرة نشا.
- معلقة صغيرة باكينج بودر.
طريقة عمل فطير مورق طري
نخلط الدقيق مع الملح والزيت ونعجن بالماء حسب ما تاخد معاكي.
لنحصل علي كرة لا تلتصق باليد.
نقسم الكرة الي 4 كرات متساوية ونلف كل كرة في نايلون استرتش.
بهذا الشكل.
نتركها ترتاح ربع ساعة ولو عندك وقت ممكن تترك اكتر حسب الرغبة.
وناخذ كرة وندهن السطح او الرخامة بالزيت ونفردها الي دائرة.
ثم نشد اطراف العجين من كل الجوانب كما هو موضح بالتفصيل علي القناة في الفيديو او اخر الوصفة.
ثم ندهن الفطيرة كلها بخليط التوريق بعد طبعا ما نخلط كل مكوناته كلها مع بعض وناخذ منه وندهن.
نقطع جانبين من الفطيرة الي مستطيلات شرائح ولا نصل الي المنتصف بالشكل ده.
ونبدأ بطى مرة مستطيل من اليمين ومرة من الشمال ثم نقلب المستطيل في المنتصف.
وهكذا الي ان نحصل علي فطير مورق ثم نلمها كرة ونتركها ترتاح علي ما نخلص باقي الكمية.
ثم نفرد الكرة الفطير باليد بعد ما ارتاحت.
ونسخن جريل او طاسة تيفال علي البوتجاز.
ونضع الفطير ونغطيه بغطاء حلة علي نار متوسطة ونقلبه من الجانبين بالشكل ده.
كده استوي كويس واخد لون ذهبي رائع. ويقدم بالهنا مع عسل او جبن حسب الرغبة.
انا قطعت كل فطيرة الي نصفين. وده اسهل فطير ممكن يتعمل والطعم خطير بجد واول ما نطلعه من الطاسة نغطيه بفوطة مطبخ علشان يبقي طري كمان.
شرح فيديو الفطير المورق الطري
وده فيديو شرح طريقة عمل الفطير المورق الطري بدون فرن وضحت فيه كل التفاصيل جربوها وهتحوز على اعجباكم.