انهاردة هشرح لكم طريقة عمل معمول التمر الناعم والفستق المميز جدا وبحليب النستله والزبدة طعمه رهيب وفاخر جدا وبمكونات مختلفة عن العادة والشرح بالصور والخطوات وكمان هيكون فيه شرح بالفيديو في اخر الوصفة كأنك في مطبخي فتابعوا معايا.
المكونات ومقادير المعمول
- نصف كيلو دقيق.
- نصف كيلو دقيق فرحة (سميد ناعم جدا).
- نصف كيلو زبدة نيوزيلاندي فاخرة في حرارة المطبخ.
- نصف ملعقة صغيرة ريحة كحك.
- نصف معلقة صغيرة حبهان مطحون (هيل) اختياري.
- علبة حليب مكثف محلي نستله.
مكونات حشو التمر
- 400 جرام تمر عجوة ناعمة.
- ملعقة سمنة صغيرة.
- محلب اختياري.
مكونات حشو الفستق
- 400 جرام فستق مفروم.
- ملعقة كبيرة عسل جلوكوز او شربات تقيل.
- لون اخضر.
طريقة عمل معمول التمر الناعم والفستق
نضع الدقيق العادي مع دقيق السامولينا الناعم جدا مع بهارات المعمول.
ونقلبها ثم نضع الخليط في بولة العجان ونضيف الزبدة.
ونخلط بالمضرب الكف يعني بنبس العجين نخلي كل حبات الدقيق مغلفة كويس جدا بالزبدة نخلط لمدة خمسة دقائق.
ثم نضيف الحليب المكثف.
ونخلط باليد او بالمضرب الكف في الاول هنحس ان العجينة الحليب فيها كتير.
بس لا منخافش نخلط كويس هنلاقي الدقيق كله اتشرب الحليب نتوقف عن الخلط في هذه المرحلة.
ونغطي العجينة وندخلها الثلاجة حوالي ساعة.
ولما تطلع نضربها خمس دقايق بالمضرب الكف تاني لحد ما نختبر العجينة.
ونمسك قطعة في اليد ونضغط عليها لو ناعمة وما عملتش تشققات يبقي كدة تمام نوقف الخلط.
نبدأ نأخذ كرات من العجينة حوالي 20 جرام وزن الكرة ونحشيها بكرات التمر.
ونراعي يكون الحشو قد العجين وده الصح في المعمول.
انا علشان تكون وحدات المعمول كلها نفس الحجم بعايرها بمعلقة الايس كريم الصغيرة.
نضع الحشو بداخل العجين ونلفها في اليد كرة وترص علي صينية فرن بدون اي دهان.
وهكذا في معمول الفستق.
نخلص كل الكمية ونبدأ بكبسها بمكبس المعمول.
ولسهولة التعامل معه نغمس المكبس في الدقيق ونكبس حبات المعمول بهذا الشكل.
لنحصل علي شكل زخرفي رائع.
بهذا الشكل.
ندخله فرن مسخن مسبقا علي درجة حرارة 180 درجة.
ونشغل من فوق الاول ياخذ لون ذهبي وبعدين من تحت المعمول مش بيغيب في الفرن علشان ما يشققش.
ده شكله بعد ما استوى بجد رائع جدا وناعم وفاخر ويقدم بالف هنا.
وهنا انا قطعت واحدة من النصف علشان اوريكم كمية الحشو والعجين.
شرح فيديو معمول التمر الناعم و الفستق
وده فيديو شرح طريقة عمل معمول التمر الناعم و الفستق اتمنى ان ينال اعجابكم.