اليوم سأشرح لكم طريقة عمل نسكافية الكابتشينو وسر الرغوة او ما يعرف بالوش والشرح هيكون بالخطوات السهلة والبسيطة.. وانا هعمل كمية منه ونحتفظ بيها فى الفريرز نبدأ مع بعض الطريقة.
المكونات والمقادير
لعمل الكابتشينو فى المنزل نحتاج الى كميات متساوية من النسكافية حسب عدد الاكواب كالآتي:
- 1 كوب نسكافيه.
- معيار الماء بنفس الكوب.
- معيار السكر بنفس الكوب.
طريقة عمل نسكافية الكابتشينو
- لعشاق النسكافية بالرغوة بجيب برطمان نسكافية صغير وهنا انا بستعمل النسكافية الكلاسيك العادى.
- نحضر وعاء عميق ونفضى برطمان النسكافية، ونملأ نفس البرطمان بالسكر كمعيار.
- وبكده يكون عندنا مقدار متساوى من السكر والنسكافية ونقلبهم مع بعض.
- ثم بنفس البرطمان نملئه بالماء ونسكبة فوق الخليط.
- يعنى لو تحبوا تعايروه بالكوب عادى خالص لو مثلا نقدر نقول: 1 كوب نسكافية + 1 كوب سكر + 1 كوب ماء.
- ونبدأ نضربهم بالمضرب الكهربائى فى الاول بيكون اللون غامق نستمر فى الخفق الى ان نحصل على خليط كريمى فاتح اللون.
- ونحتفظ بالخليط ده فى الفريزر وليس الثلاجة وما تخافوش هو مش بيجمد قوى لان بيكون مسامه زى الايس كريم.
- وعند الحاجة نحضر الفنجان ونضع ملعقة من الخليط ونغلى الحليب ونصبه على الخليط ونقلب كويس.
- ولعمل اشكال مميزة نحتاج الى شيكولاته ذائبة ونضع الشيكولاته فى كورنية من ورق الزبدة ونبدأ الرسم ونبدع ونرسم اشكال حسب الرغبة.
