انهاردة هشرح لكم طريقة عمل باذنجان مخلل علي اصوله بطعم رهيب أو تخليل الباذنجان الأبيض اللى تعرفوه والشرح بالصور والخطوات وكمان شرح بالتفصيل فى الفيديو الموجود فى اخر الوصفة كأنك فى مطبخي فتابعوا معايا
الباذنجان المخلل من انواع المخللات المحببة جدا لدي كتير من الناس وهنحتاج في الوصفة دي لنوع الباذنجان الطويل الصغير الابيض ومشبح موف بيبقي احلي كتير من الاسود.
المكونات والمقادير
- كيلو باذنجان ابيض صغير.
- رأس ثوم مفصص ومقشر.
- ربع كوب خل.
- ربع كوب ملح.
- 3 ملاعق كبيرة فلفل احمر مفروم.
- معلقة كبيرة كمون.
- 3 ملاعق كبيرة فلفل اخضر مفروم.
- ربع كوب عصير ليمون.
طريقة عمل باذنجان مخلل
ننزع الرأس من وحدات الباذنجان ونغسل الباذنجان ونشقه من الجنب.
دة شكل نوع الباذنجان المستخدم.
وهنا شكله بعد التنظيف.
نضع كمية من الماء في حلة علي النار ونضع فيه ملعقة خل وملعقة ملح ونتركه يغلي.
واول ما يغلي نضع الباذنجان يتسلق بس نحافظ انه ما يتسلقش سلق كامل عشان ميتهريش.
وهنا شكل المكونات مجمعة مع الباذنجان بعد ما اتسلق.
نبدأ بعمل الخلطة بتاعت التتبيلة لحشو الباذجان.
نضع كل المكونات مع بعضها ما عدا الخل ونخلطها في محضرة الطعام بهذا الشكل.
ونبدأ بحشو وحدات الباذنجان بهذا الشكل.
ونرصه في علبة او برطمان بهذا الشكل.
وباقي التتبيلة نضيف إليها الخل ونأخذ من ماء سلق الباذنجان ونقلبه مع التتبيلة ونصبه فوق الباذنجان بهذا الشكل.
ويغطي ويترك لمدة 5 ايام ونبدأ بإستعماله بألف هنا لذيذ جدا.
وده فيديو شرح طريقة عمل باذنجان مخلل وضحت فيه كل التفاصيل جربوها وهتحوز على اعجباكم.