انهاردة هشرح ليكم طريقة عمل بيتزا هت بعجينة هشة وقطنية في البيت بالصور والخطوات وكمان شرح بالفيديو في اخر الوصفة لكيفية تحضير البيتزا كأنك في مطبخي فتابعوا معايا.
وقبل كل شئ طبعا البيتزا من الوصفات والأكلات المحببة لنا دائماً، وبتختلف كل بيتزا عن الأخرى بطريقة العجين، والحشو، واليوم سنحضر لكم بيتزا هت في البيت 🍕🍕🍕 وهنعمل عجينة هشة جدا وقطنية وسر الهشاشة واستخدامات العجينة.
مقادير عجينة البيتزا هت المرحلة الاولي
- 2 كوب ماء دافئ.
- 2 كوب دقيق منخول.
- 1 ملعقة كبيرة خميرة فورية.
- 1 ملعقة كبيرة سكر.
- نصف ملعقة صغيرة ملح.
- 2 ملعقة كبيرة حليب بودر مجفف.
مقادير عجينة البيتزا هت المرحلة الثانية
- 1 عدد بيض.
- ثلث كوب زيت.
- 3 ملاعق كبيرة بودرة كريم شانتي خام.
- من 3 الي 4 اكواب دقيق حسب ما تلم العجينة معاكم.
مقادير حشو البيتزا هت
- جبنة موزاريلا مبشورة.
- فلفل مكعبات.
- بصل مكعبات او حلقات حسب الرغبة.
- اصابع جبنة موزاريلا.
- بيبروني او فراخ حسب الرغبة.
- زيتون شرايح.
طريقة عمل بيتزا هت
نضع مقادير المرحلة الاولى في بولة العجن ونقلبها وتغطي وتترك تختمر حوالي من 10 الي 15 دقيقة.
ثم نضيف علي نفس الخليط جميع مكونات المرحلة التانية بشرط نخل الدقيق.
وتعجن في العجان الي ان نحصل علي عجينة طرية جدا ولا تلتصق باليد.
نقسم العجينة الي كرات. وتغطى وتترك تختمر مرة تانية.
لعمل ساندوتش البيتزا.
نأخذ كرة وتفرد الي دائرة بيضاوية ونضع الحشو حسب الرغبة علي نصف الدائرة فقط.
ثم نطوي نصف الدائرة الاخر وتغلق جيدا من الاطراف.
وتدهن بخليط التلميع مع رشة سمسم وممكن زعتر وحبة البركة حسب الرغبة.
ولعمل بيتزا ستافد كراست.
نفرد كرة من العجين حجم اكبر شوية من المطلوب ونحضر اصابع الجبن الموزاريلا وترص في الاطراف ونغلق الاطراف.
بهذا الشكل ونضع الحشوة المرغوب فيها في المنتصف مع صوص المارجريتا والجبنة الموزاريلا المبشور.
ولمعرفة عمل بيتزا تشيزي بايتس شاهدوا الفيديو في اخر الوصفة.
تستخدم هذة العجينة في عمل البيتزا والمعجنات المختلفة والباتيهات.
ناجحة جدا وهشة جددددا.
وتوضع البيتزا في الفرن وتقدم ساخنة.
وهتشوفوا بنفسكم في الفيديو قد ايه البيتزا طرية جدا.
ممكن نعمل منها اشكال كتير وحشوات كتير ابدعوا براحتكم حسب الرغبة.
شرح فيديو عمل بيتزا هت
وده فيديو شرح طريقة عمل البيتزا هت بالعجينة القطنية الهشه اتمنى ان ينال اعجابكم.