انهاردة هشرح لكم طريقة عمل فطائر البطاطس والجبن بالصور والخطوات والشرح عملى فى مطبخي بالفيديو موجود فى اخر الوصفة فتابعوا معايا.
المكونات والمقادير
- 2 كوب دقيق.
- معلقة صغيرة خميرة.
- ربع معلقة صغيرة سكر.
- رشة ملح.
- معلقة كبيرة زبدة طرية في درجة حرارة المطبخ.
- حليب دافئ للعجن حسب ما تأخذ العجينة حوالي كوب إلا ربع.
طريقة عمل فطائر البطاطس والجبن
نخلط كل المقادير مع بعضها في محضرة الطعام او العجان او باليد.
الي ان نحصل علي عجينة لينة غير يابسة.
تقسم العجينة الي 4 كرات وتغطي وتترك تخمر.
نحتاج للحشو بطاطس مسلوقة ومهروسة حسب الحاجة واحدة كبيرة مثلا.
وكوب جبنة موزاريلا وملح وفلفل نخلطهم مع بعض ونعملها كور.
وهنا شكل العجين بعد ما اختمر.
نبدأ نفرد كرة من العجين ونضع بداخلها كرة من البطاطس بالجبن ونقفل عليها ونبططها في صينية الخبز.
بالشكل ده ونعمل فتحة صغيرة في المنتصف لخروج البخار.
وندخلها فرن حار مباشرة ولا نتركها تخمر ثاني يادوب على ما نخلص باقي الكمية.
وهنا الصينية عليها ورقة زبدة ومدهونة وممكن من غير ورقة زبدة عادي جدا وندهن الصينية.
نتركها الي ان تاخد لون ذهبي.
وأول ما تخرج من الفرن تدهن الوش زبدة بالفرشاه كدة وتغطي.
وتقدم بالهنا مع صوصات او مخللات حسب الرغبة لذيذة جدا وسهلة وممكن تقطع ويحتفظ بيها في الفريزر عند الحاجة.
شرح فيديو فطائر البطاطس والجبن
وده فيديو شرح طريقة عمل فطائر البطاطس والجبن اتمنى ان ينال اعجابكم.