انهاردة هشرح لكم طريقة عمل البروفيترول او عجينة الشو بالشيكولاته طعم لا يقاوم بالصور والخطوات والتفصيل وكمان شرح بالفيديو في اخر الوصفة كأنك في مطبخي فتابعوا معايا.
نوع العجينة انهاردة هي عجينة الشو وبنعمل منها اشكال كتير منها الاكلير والبروفيترول والكريم بف وانهاردة هقدم لك البروفيترول المميز جدا.
المكونات والمقادير
- 250 جرام زبدة مع زيت او زبدة فقط.
- 500 جرام ماء.
- 500 جرام دقيق.
- 10 بيض كبير.
- فانليا.
- ملعقة صغيرة سكر.
- رشة ملح.
طريقة عمل البروفيترول او عجينة الشو بالشيكولاته
في حلة علي النار نضع مقدار الماء والزبدة والزيت والملح والسكر ونتركه يغلي.
اول ما يبدأ في الغليان نضيف الدقيق دفعة واحدة مرة واحدة مع التقليب المستمر.
نستمر في التقليب الي ان تصبح كرة لا تلتصق بالحلة ونقلبها خمس دقايق كمان لضمان تسوية الدقيق.
نترك العجينة تبرد او نبردها في العجان ثم نشغل العجان عليها الي ان تبرد ثم نبدأ باضافة البيض واحدة واحدة.
بالشكل ده.
حبيت بس اوضح ملحوظة كمية البيض ممكن تختلف من شخص للتاني ودة بيرحع لنوع الدقيق وقدرته علي امتصاص السوائل.
نعرف الكلام ده ازاى .. ده بيتم من خلال اننا نوقف اضافة بيض لو رفعنا العجان ولاقينا العجينة بتعمل منقار كدة يبقي تمام يعني قوامها مش سايلة ومش متماسكة قوي.
نحضر كيس حلواني نوع سميك لو قماش تمام يبقي افضل لان العجينة بتكون تقيلة شوية.
نضع فية قمع مدور ونضع جزء من العجينة ونشكلها الي كرة بحجم عين الجمل لانها لسه هتكبر او اقل شوية حسب الرغبة.
نشكلها علي ورق زبدة مدهون زبدة.
شايفين المنقار ده هو دليل نجاح العجينة.
عند الانتهاء من التشكيل نبل الاصبع بالماء ونضغط ضغطة خفيفة خالص نضيع المنقار دة.
توضع في فرن مسخن مسبقا علي درجة حرارة متوسطة لمدة حوالي نصف ساعة مش بنفتح عليها ولا بنخرجها من الفرن الا لما بتكون ناشفة كويس جدا علشان القلب من جوه يكون مستوي لازم نسيبها تنشف داخل الفرن.
دة شكلها بعد ما استوت.
وهنا شكلها من جوه.
نبدأ نحشيها بالكاسترد عن طريق عمل فتحة بالسكينة ونضع الكاسترد في كيس حلواني ونضغط.
ده شكل الكاسترد وطريقته بنضع كمية الحليب مع بودر الكاسترد والسكر ونقلب كلة علي البارد ثم يرفع علي النار مع استمرار التقليب الي ان يغلظ قوامة.
اول ما نشيله من النار نغطي سطحة مباشرة بالنايلون حتي لا تتكون قشرة.
ونتركه يبرد تماما قبل الحشو والافضل نعمله الاول قبل البروفيترول علشان يبرد كويس.
نحشي كل وحدات البروفيترول بالكاسترد ويغطي بالجناش ونرش بندق حسب الرغبة.
ويقدم بالهنا رائع جددا.
طعمها مميز جدا.
شرح فيديو عمل البروفيترول
وده فيديو شرح طريقة عمل البروفيترول عجينة الشو بالشيكولاته وضحت فيه كل التفاصيل جربوها وهتحوز على اعجباكم.