انهاردة هشرح لكم طريقة عمل طبقات مهلبية قمر الدين والنشا بالصور والخطوات والشرح بالتفصيل فى الفيديو اخر الوصفة كأنك في مطبخي فتابعوا معايا.
المكونات والمقادير
- مهلبية قمر الدين.
- 2 ملعقة نشا الذرة.
- 2 كوب حليب.
- زبيب.
- سكر والكمية حسب الرغبة.
- عين جمل او اي نوع مكسرات.
طريقة عمل طبقات مهلبية قمر الدين والنشا
في الوصفة دي هنحتاج أننا نعمل نوعين من المهلبية.
وهما مهلبية قمر الدين ودي بتتعمل بعصير قمر الدين واللى حضرناه قبل كدة وطريقة عمل عصير قمر الدين هنا.
ومعلقتين نشا وعين جمل أو أي مكسرات حسب الرغبة.
اما مهلبية نشا الذرة فهى بتتحضر ب 2 كوب حليب مع سكر حسب التحلية و2 معلقة كبيرة نشا الذرة وزبيب حسب الرغبة.
هانحضر كل نوع لوحدة باننا نضع عصير القمر الدين علي النار ولما يغلي يكون في ربع كوب عصير بارد.
نذوب النشا وننزل بيهم علي العصير اللي بيغلي مع التقليب المستمر ونغطيها ونتركها علي جنب.
ونحضر النوع التاني من المهلبية وهى مهلبية نشا الذرة
نضع الحليب علي النار مع السكر واول ما يغلي ننزل عليه بربع كوب حليب بارد مضاف اليه النشا.
مع التقليب المستمر الي ان نحصل علي قوام تقيل نغطي وش المهلبية مباشرة بالنايلون بالشكل ده.
تصب في كاسات أو أكواب حسب الرغبة بالتبادل وتزين بالمكسرات وتوضع في الثلاجة وتقدم باردة.
شرح فيديو طبقات مهلبية قمر الدين
وده فيديو شرح طريقة عمل طبقات مهلبية قمر الدين اتمنى ان ينال اعجابكم.