انهاردة انا هاقولكم على طريقة عمل سلطة بابا غنوج ودى نوع من السلطات او المقبلات اساسها الباذنجان الاسود الرومى وهشرح ازاي نخليها لذيذة ومميزة جدا فى العمل والمذاق وازاى تكون حلوة قوى مع المشويات او الاسماك المشوية والشرح هيكون بالصور والخطوات وكمان شرح بالفيديو فى اخر الوصفة كأنك فى مطبخى فتابعوا معايا وطبعا الكميات مفتوحة حسب الرغبة والكمية.
المكونات والمقادير
- 3 حبات باذنجان اسمر رومي كبير.
- علبة زبادي صغيرة.
- معلقة كبيرة طحينة بيضاء.
- عصير ليمونة.
- ملح وكمون حسب الرغبة.
- معلقة كبيرة خل.
- 4 فصوص ثوم مفروم ناعم.
- معلقة هريسة فلفل احمر مفروم حسب الرغبة ممكن الاستغناء عنه.
- معلقتين زيت الوجه.
طريقة عمل سلطة بابا غنوج
نضع الباذنجان علي عين البوتجاز بعد ان نغسله كويس ونجففه انا بحب اشويه كده وممكن نضع تحته صاجة شوي حسب الرغبة.
ونقلبه من جميع الجهات الي ان يتم شويها بالكامل ثم نضعها في طبق عميق او بولة ونغطيها.
بيكون ده شكل الباذنجان بيجيب المياه الخاصة به زي ما احنا شايفين نمسك واحدة واحدة ونبدأ نقشرها بالسكين ونقطع العنق.
نخلص كل الكمية ونضعها في بولة نظيفة ونهرسها بالشوكة او الهراسة.
ثم نضيف كل المكونات الباقية.
ونخلط جيدا.
بيكون ده شكل السلطة وكدة نكون خلصنا ونغرفها في اطباق التقديم ونرش عليها زيت ونزين الوجه.
وتقدم بالهنا.
وده فيديو شرح طريقة عمل سلطة بابا غنوج السهلة زى المحلات وضحت فيه كل التفاصيل جربوها وهتحوز على اعجباكم.